Furðubátakeppnin, sem haldin hefur verið um Verslunarmannahelgina í Litlu-Laxá á Flúðum frá árinu 1988, verður á sínum stað í ár. Í keppninni keppast þátttakendur við að sýna og sigla hinum furðulegustu bátum um það bil 40m lengd í Litlu-Laxá. Keppnishaldarar binda vonir við að þátttaka verði góð, en þessi skemmtilegi liður hefur vakið mikla lukku meðal gesta og heimamanna frá upphafi.
Skráning í keppni :
aHVnbXluZCB8IHNpbW5ldCAhIGlz
Einnig er hægt að skrá sig í keppnina á staðnum.
keppni byrjar kl 15:00
skráning byrjar kl 14:00
Í barnaflokki eru þátttakendur á ábyrgð forráðarmanna, aldurstakmark er 14 ára og yngri og er miðað við fæðingarár. Keppnisskilyrði er að bátarnir komist í mark, um það bil 40m siglingarleið. Ekki er leyfilegt að hafa vélarafl, annað en hendur, stjaka, árar eða í versta falli einhvern fullorðinn til að ýta ef allt fer í skrúfuna.
Í fullorðins flokki er aldurstakmark 18 ár, en foreldrum er heimilt að leyfa börnum, 15 ára og eldri, að taka þátt á eigin ábyrgð. Líkt og í barnaflokki verða bátarnir að komast í mark, um 40 m siglingarleið, líkt og í barnaflokki, en í fullorðinsflokki er leyfilegt að nota hverskonar vélarafl, annað en það sem dómari telur vera hefðbundið vélarafl. Þó er heimilt að nota segl og ýmis konar spaða. Hefðbundinn utanborðsmótor og hefðbundnar bátaskrúfur eru hins vegar harðbannaðar. Verðlaun taka ekki tillit til áhafnarmeðlima og verða þeir sjálfir að sjá um að skipta verðlaununum bróðurlega á milli sín.
Dómur dómnefndarar er endanlegur og ekki verður heimilt að véfengja hann enda er þetta fyrst og fremst til gamans gert, en matið byggir á frumleika báts, hve fyndinn hann og áhöfn hans eru og síðast en ekki síst skemmtanagildi
|
