360° Haustlitahlaup á Þingvöllum (16km)

Hlaustlitaferð á þingvöllum er fjórði og síðasti viðburðurinn í Karolinafund verkefninu “Upplifðu íslenska náttúru með 360° sýn”. Þetta verður einskonar lokafagn og uppskeruhátíð.
Viðburðurinn er opinn öllum, bæði þeim sem styrktu verkefnið og þeim hlaupfélögum, vinum og vandamönnum sem vilja koma með. Þessir hlaupaviðburður eru “upplifunar túrar”. Lögð verður áhersla á að njóta en ekki þjóta og hafa gaman saman úti í dásamlegri náttúru. Hlaupaleiðin verður tekin upp og ratar síðan á Youtube í haust.

Lagt verður af stað frá bílastæðinu við Öxarárfoss. Hlaupið er eftir stígum að miðju þjóðgarðsins og haldaið áfram þvert yfir sigdalinn uns komið er að mikilfenglegri sprungu, Hrafnagjá, austan megin. Farið er til baka og niður að Þingvallavatni þar sem horft er yfir vatnið bakkinn þræddur eins og hægt er til baka að Silfru og upp í Almannagjá. Hugsanlega förum við upp að útsýnispalli en við endum að skokka niður almannagjá að Öxarárfossi áður en við endum á bílastæðinu þar sem ferðin hófst.

Leiðin er varlega áætluð um 16km. Hún er nær alveg á fínum stígum og slóðum en hækkanir í báðum endum. Það má því búast við 3klst í verkið að lágmarki, enda þarf vonandi að stoppa oft til að taka fallegar haustmyndir. Mögulegt er að stytta með því að sleppa Hrafnagjá. Eflaust er mögulegt fyrir sérstaklega æsta að lengja.

Strava drögin: https://www.strava.com/routes/3397218420373797420

Áætlun er birt með fyrirvara um veður og færð.