Einar Øverland - Plateslepp på Seljordshei

Einar Øverland (81) frå Seljordshei kan med rette kallast ei levande legende. Han er ein sentral skikkelse i Telemarks rike hardingfeletradisjon, og kjend og kjær for sitt særprega slåttespel – både i heile Telemark og i andre distrikt der folkemusikken står sterkt.

No, på seinsommaren 2025, kjem endeleg debutplata hans: Kveldroen – ei utgjeving frå plateselskapet Aksent. Plata inneheld ikkje mindre enn 34 slåtter, spela inn i 1987 og 2017 – etter initiativ frå Knut Buen, som òg er ein av pådrivarane bak utgjevinga som vert lansert denne sommaren.

Utgjevinga vert markert med eit plateslepp på Seljordshei grendehus, søndag 17. august kl. 15.00. Her vil Einar Øverland sjølv stå i sentrum – både med felespel og forteljingar i samtale med Knut Buen. Etter pause med kaffi, kake og god prat, vert det ein minikonsert med Knut Buen og Håvard Svendsrud frå Aksent, under overskrifta «Hyllest til Heifolket».

Arrangementet er eit samarbeid mellom Aksent og Seljordshei grendehus, og det vert selt eit avgrensa tal billettar på hoppla.no (søk: «Einar Øverland plateslepp»).

Billettpris: kr 200,-+ avgift. Kaffi og kake er inkludert. Plata Kveldroen vil sjølvsagt vere til sals under arrangementet.

Velkommen til ein minnerik ettermiddag!