Góðvinir Geimsteins

Bræðurnir Júlíus og Baldur Guðmundssynir segja sögur og flytja lög þeirra listamanna sem litu við á upptökuheimili Geimsteins og komu þaðan öllu betri og hressari. Kennir þar ýmissa grasa og má þar helst nefna Bjartmar Guðlaugs, Lónlí blú bojs, Hljóma, Hjálma, Magnús og Jóhann, Valdimar, Leoncie, Trabant, Megas og Hemma Gunn.

Gluggað verður í "Geimslurnar" og margir gullmolar týndir til, rýndir og fægðir. Hver vill ekki eignast Leyndarmál, komast að því af hverju Pabbi þarf að vinna og hvernig Vinur minn og ég hljómar á ensku. Eftirminnileg kvöldstund á þeim vettvangi sem mikil tónlist varð til. Einungis 50 miðar verða í boði.