IS/EN
Tríó Öræfi, skipað þeim Sóleyju Þrastardóttur flautuleikara, Þórunni Harðardóttur víóluleikara og Ásdísi Arnardóttur sellóleikara, heldur síðustu tónleika raðarinnar í sumar. Vallaneskirkju hentar sérlega vel strengjahljóðfærum og það verður áhugavert að heyra tríóið leika tónlist fyrir þessa hljóðfærasamsetningu. Meðal annars munu þær frumflytja nýtt verk eftir Báru Sigurjónsdóttur, sérstaklega samið fyrir þessa tónleika.
Kammerhópurinn Öræfi var stofnaður árið 2025 og heldur sína fyrstu tónleika með fimm ólíkum tónverkum sem þó eiga fjölmargt sameiginlegt. Samsetning kammerhópsins er mjög óvenjuleg og hljóðfærin harla ólík, sem vafalaust er ein af ástæðum þess að ekki hafa mörg tónverk verið samin með þessari skipan. Öll verkin sem verða flutt eru því nokkuð sérstök og tónskáldin leyfa sér að fara ótroðnar slóðir í að kanna nýjan hljóðheim. Tónverkin eru þó með nokkuð klassískri nálgun og uppbyggingu, en klárlega fá hljóðfærin að njóta sín hvert og eitt innan þeirra.
Tríóið Öræfi er ákaflega stolt af því að fá að frumflytja verk Báru Sigurjónsdóttur “Leiðin að settu marki?”, en verkið er hluti af stærri heild sem tónskáldið hefur unnið að síðustu misseri. Tónskáldasjóður RÚV og STEFs veitti styrk vegna verksins.
Efnisskrá:
François Devienne (1759-1803) - Tríó nr. 2 fyrir flautu, víólu og selló
György Kósa (1897-1984) - Tríó fyrir flautu, víólu og selló
Heitor Villa-Lobos (1887-1959) - Assobio a játo (Þotuþytur)
Bára Sigurjónsdóttir (1979) - Leiðin að settu marki?
Albert Roussel (1869-1937) - Tríó fyrir flautu, víólu og selló op. 40
Asparhúsið er opið fram að tónleikum og tilvalið að fá sér hressingu þar fyrir tónleikana.
Tónleikaröðin er styrkt af Uppbyggingarsjóði Austurlands, Múlaþingi og Tónlistarsjóði.
Aðgangur er ókeypis
- - -
Sóley Þrastardóttir, flute, Þórunn Harðardóttir, viola and Ásdís Arnardóttir, cello.
The chamber group Öræfi, Sóley Þrastardóttir, flute, Þórunn Harðardóttir, viola and Ásdís Arnardóttir, cello, founded in 2025, presents a concert program of five strikingly diverse works—each distinct, yet subtly interconnected. The ensemble's unusual instrumentation brings together a unique blend of timbres, a likely reason why so few pieces exist for this combination. As a result, each work on the program is something of a rarity, with composers venturing off the beaten path to explore fresh and unexpected sonic landscapes. Despite their exploratory nature, the pieces remain rooted in classical tradition, offering clear forms and giving each instrument moments to shine.
It promises to be a real treat to hear this group in the wonderful acoustics of Vallaneskirkja, where they will premiere a new piece by composer Bára Sigurjónsdóttir, "Leiðin að settu marki?" specially written for this occasion.
The café Asparhúsið is open until the concert begins.
Admittance is free.
You may also like the following events from Tónlistarstundir á Héraði:
Also check out other
Music events in Egilsstadir,
Entertainment events in Egilsstadir,
Concerts in Egilsstadir.
