Þórður Sigurðarson hefur hefur starfað við tónlist frá 17 ára aldri.
Hann lauk kirkjuorganista prófi frá Tónskóla Þjóðkirkjunnar meðfram menntaskóla, fór því næst til Noregs og lauk þar námi við Viken folkehögskole í Rytma tónlist og hefur einnig lokið grunnnámi í jazz píanóleik við The New School for Jazz
and Contemporary Music í New York.
Þrátt fyrir ungan aldur er reynsla Þórðar víðtæk á sviði tónlistarinnar og spannar þátttöku í verkefnum á sviði Jazz, popp, rokk og klassískur. Hann hefur sungið í kórum frá unga aldri og stjórnað Kirkjukórum á Langanesi, Norðfirði, Mosfellsbæ og einnig Karlakór Kjalnesinga. Meðfram organistastarfi í Neskaupstað stjórnaði hann tónlist við flutning á söngleikjum listadeildar
Verkmenntaskóla Austurlands og þurfti þá einnig að útsetja fyrir kórinn. Hann hefur sett upp stór klassísk og trúarleg verk í starfi sínu innan kirkjunnar og stjórnað kór og stórri hljómsveit. Rytma tónlistin hefur spilað stóran þátt í lífi hans og hefur hann spilað í hinum ýmsu hljómsveitum, m.a. Rock Paper Sisters sem hituðu upp þegar Billy Idol spilaði í Laugardalshöll.
Atli Sigurðsson hóf sitt tónlistarnám við 10 ára aldurinn á Baritón horn hjá Eiríki Stephensen (Hundur í óskilum) við Tónlistarskóla Dalvíkur og síðar lítillega hjá Ingibjörgu Azimu Guðlaugsdóttur. Hann hóf sitt hornnám hjá Helga Þ. Svavarssyni við Tónlistarskólann á Akureyri og fór svo suður og lærði hjá Joe Ognibene við Tónlistarskólann í Reykjavík. Hann hætti í tvö ár að spila og hóf nám aftur við Tónlistarskólann á Akureyri aftur hjá Helga Þ. Svavarssyni og fór þaðan til Ellu Völu Ármannsdóttur og kláraði framhaldsprófið vorið 2017. Þaðan lá leiðin í Listaháskólann og var þar undir handleiðslu Emils Friðfinnssonar í 4 ár og kláraði B.A. gráðu í hornleik þaðan.
Atli hefur spilað með Nordiska Ungdomsorkestern, Orkester Norden, Sinfóníuhljómsveit Unga Fólksins, Ungsveit SÍ, Sinfóníuhljómsveit Norðurlands, Sinfóníuhljómsveit Austurlands og Sinfóníuhljómsveit Áhugamanna.
Efnisskrá:
Charles Gounod (1818-1893)
Ave María (úts. Paul M. Stouffer)
fyrir horn og píanó (orgel)
Wolfgang Amadeus Mozart (1756-1791)
Ave verum corpus
(úts. R. Horvath) fyrir horn og píanó (orgel)
Franz Schubert (1797-1828)
Ave María op. 52 nr 6 (úts. R. Horvath)
Franz Strauss (1822-1905)
Nocturno op. 7 fyrir horn og píanó
Bernard Krol (1920-2013)
Laudatio fyrir einleikshorn
Wolfgang Amadeus Mozart (1756-1791)
Hornkonsert nr. 3 í Es dúr KV 447
(Allegro/Andante/Rondo Allegro)
Flytjendur eru Atli Sigurðsson horn
og Þórður Sigurðarson orgel/píanó
Miðaverð er 3000 kr fyrir fullorðna og 2000 fyrir eldri borgara og öryrkja og frítt fyrir börn.
Also check out other Music events in Egilsstadir, Entertainment events in Egilsstadir.
