Սեպտեմբերի 28-ին մեկնարկում է #սարուձոր նախագծի քայլարշավը դեպի ՀԻՆ ՀԱՐԺԻՍ գյուղատեղի։
Սկզբում կայցելենք Հարժիս գյուղի մոտակայքում գտնվող միջնադարյան ԿՈՏՐԱԾ քարավանատուն (XIV դար)։ Այն կառուցել են Օրբելյան իշխանները Մետաքսի ճանապարհի սպասարկման համար։
Ապա կքայենք դեպի ՀԻՆ ՀԱՐԺԻՍ /ՅԱՅՋԻ/ գյուղատեղի, որտեղ պահպանվել են Սբ․ Մինաս եկեղեցին, բազմաթիվ միջնադարյան խաչքարեր ու շինություններ։
Շարունակելով քայլարշավը դեպի Որոտանի կիրճ՝ կայցելենք ԱԼԱՆ ԹԱԳԱՎՈՐԻ եկեղեցի, որը կառուցված է սրբատաշ բազալտով, արևմուտքից կից է բաց կամարաշար գավիթը։
Եկեղեցում առկա է 1326թ տապանաքար, որը պատկանում է գեղեցկատիպ և ծաղկափթիթ քաջ զորական, դեռաբոյս, ազատածին մանուկն Ալնին։ Այնուհետև կհասնենք Քուրդ իշխանի կառուցած միջնադարյան կամրջի մոտ, գետի ափին կհանգստանանք և կվայելենք հայկական գինին։
Քայլարշավի երկարությունը մոտ 11 կմ է:
Բոլոր մասնակիցները պետք է կրեն հարմարավետ սպորտային կոշիկներ, հագուստ և գլխարկ, ինչպես նաև իրենց հետ ունենան սնունդ և 1,5 լ ջուր։
ՄԱՍՆԱԿՑՈՒԹՅԱՆ ՀԱՄԱՐ ԱՆՀՐԱԺԵՇՏ Է ՆԱԽԱՊԵՍ ԳՐԱՆՑՎԵԼ
Հեռախոս 091 014301 (Սահակ), 094/095 325075 (Արմեն)
Մասնակցությունը թույլատրվում է չեղարկել մինչև 26.09․2025թ., որից հետո չեղարկելու դեպքում անձը պարտավորվում է վճարել արշավի արժեքն ամբողջությամբ:
Մասնակցության վճարը 9.500 ՀՀ դրամ, (տրանսպորտ, գիդ-ուղեկցող, գինու հյուրասիրություն):
Մեկնարկը՝ ժամը 07։30-ին, 28.09.2025թ., կիրակի
Հանդիպման վայրը՝ Գիտությունների ազգային ակադեմիայի շենքի դիմաց (Բաղրամյան 24)
ԳԻՏԱՐՇԱՎ
Զգա՛ բացահայտման հաճույքը
You may also like the following events from Գիտարշավ / Gitarshav:
|
