Sundag 31. august inviterer vi til ei storstilt og høgtidleg åpning av Hasundgot Arena! 🎉 Dette blir ein merkedag for idrettslaget, bygda og alle som har gleda av å bruke den nye hallen.
Vi ønskjer å samle barn og unge, foreldre, besteforeldre og bygdefolk til ei feiring der idrettsglede, fellesskap og underhaldning står i sentrum. Dagen startar med miniturnering, kjekke aktivitetar, tombola og lotteri, hoppeslott og ansiktsmaling. I tillegg kan du gle deg til korpsmusikk, talar, kaffi, kaker, mat og drikke – kort sagt alt som høyrer til ein ekte åpningsfest. I tillegg håpar vi å kunne markere dagen saman med våre mange eminente sponsorar og bidragsytarar.
Vi oppmodar alle til å sette av dagen og møte opp – la oss fylle arenaen med liv, glede og jubel når vi skriv eit nytt kapittel i Hasundgot IL si historie.
Vel møtt til fest!
Program for dagen:
09.00 - 14:00: Miniturneringa "Green Yard Cup" på Hasundgot Arena / Hasundgot Stadion
Frå 09.30 og utover dagen blir det tombola, lotteri, hoppeslott og ansiktsmaling for både små og store.
15:00: OFFISIELL ÅPNING av Hasundgot Arna med velkomstord frå konferansier, korpsmusikk og talar frå arenaens prosjektleiar, hovudsponsor Sparebanken Møre og ordføraren.
16:00: HALLSPRETTEN- eit sponsorløp til inntekt for Hasundgot IL. Deltakarar spring runder rundt bana og er samstundes med i trekninga av flotte premiar
Åpningsfesten går vidare føre seg med servering av gratis kaker og kaffi.
Also check out other Festivals in Volda.
|
