Драги пријатели, планинари, алпинисти,
Оваа години се навршуваат 27 години од големата трагедија на Солунска Глава, кога животот го загубија нашите другари (алинисти): Влатко Боцевски (Влатче), Бранислав Ристовски (Бране), Огњан Филиповски (Оги) и Предраг Толмачев (Папе/Пеџа).
По овој повод ве повикуваме заедно да го одбележиме овој настан и да оддадеме почит на нашите другари, но и во исто време да се насладуваме на зимските искачувања на оваа прекрасна планина, која тие бескрајно многу ја сакаа.
Програма на меморијалот:
Петок 05.12.2025г.
- Пристигнување и сместување во планинарскиот дом “Чеплес“ во попладневните и вечерните часови.
- За оние кои не знаат или не се сигурни како да пристигнат до пл.дом “Чеплес“ ќе биде обезбедена придружница. Оваа група ќе појде од Богомила (зборно место железничка станица и продавниците во Богомила) од 16:20 - 17:00 часот.
22:00 - Отворање на меморијалот.
Сабота 06.12.2025г.
08:00 - Старт на маршот. Посета на месноста “Горна Бабина Рупа“ каде ќе оддадеме почит на нашите другари и искачување на врвот “Солунска Глава“.
16:00 - Ручек - планинарско гравче (овој ручек го обезбедува организаторот)
18:00 - Потсетување на нашите другари (проекција на документарниот филм изработен во нивна чест)
19:00 – Кратка ретроспектива на изминатите 27 години во кои се оддржува меморијалот, доделување на признанија и награди.
20:30 - Планинарска вечер придружувана со неколку гитари.
Недела 07.12.2025г.
09:00 – Кратки прошетки
12:00 – Затворање ма меморијалот
13:00 - Заминување
Напомени:
1. За искачувањето од пл.дом “Чеплес“ до врв “Солунска Глава“ задолжителна е зимска планинарска опрема (добри планинарски чевли, гамашни, топла облека, капа, ракавици и сл.). Исто така учесниците треба да си понесат основен прибор за јадење (лажица, вилушка и нож). Садови и тањири не се потребни и истите ќе бидат обезбедени од страна на планинарскиот дом.
2. Во петок 05.12.2025 возот за Битола од Скопје поаѓа во 14:30 и треба да пристигне во Богомила во 16:20. Доколку има учесници кои ќе го користат овој транспорт, истите ќе бидат пречекани од дел од тимот на организаторот со цел заедничко искачување до пл. дом “Чеплес“.
3. Цената на сместување во домот ќе биде 400 денари од ноќ во стариот и 550 денари во новиот дел. Од оваа година постои можност просториите на новиот дел да бидат загревани со греалки. Цената за греалка е 300 денари од соба за една ноќ.
За да се обезбеди сигурно место во делот во кој сакате да престојувате, потребно е да се направи резервација по телефон најдоцна до четврток 04.12.2025г.
4. Во домот постои можност да се купат пијалоци (пиво, вино, ракија...).
Информации и резервации на телефон: 075/303 988 Дарио
Се гледаме на Солунска!
