🔴 12 ივლისს ილიას სახელმწიფო უნივერსიტეტის ტექნოლოგიის სკოლის ორგანიზებით გაიმართება ტექნოლოგიური ფორუმი 2025. ღონისძიების ფარგლებში მოეწყობა ილიაუნის ტექნოლოგიის სკოლის საინჟინრო და ტექნოლოგიური მიმართულებების საბაკალავრო პროგრამების დამამთავრებელი კურსის სტუდენტების ქეფსთოუნ (სადიპლომო) პროექტების პრეზენტაციები, ტექნოლოგიური სფეროს დასაქმების ფორუმი და საერთაშორისოდ აკრედიტებული და აკრედიტაციის მაძიებელი საბაკალავრო პროგრამების ღია კარის დღე.
__________________________________________________________________
ილიაუნის ტექნოლოგიის სკოლის შესახებ 🔻
ტექნოლოგიის სკოლა აერთიანებს ქართულენოვან და ინგლისურენოვან საბაკალავრო, სამაგისტრო და სადოქტორო პროგრამებს. მათ შორის კომპიუტერული მეცნიერების, კომპიუტერული ინჟინერიის, ელექტრული და ელექტრონული ინჟინერიის და სამოქალაქო ინჟინერიის პროგრამები შემუშავებულია საერთაშორისო სტანდარტების შესაბამისად და მჭიდროდ უკავშირდება ინდუსტრიის პრაქტიკულ მოთხოვნებს.
კომპიუტერული ინჟინერიის (საერთაშორისო) პროგრამას უკვე მიენიჭა ABET-ის (Accreditation Board for Engineering and Technology) აკრედიტაცია. ამჟამად აკრედიტაციისთვის მზადების პროცესშია კომპიუტერული მეცნიერების, ელექტრული და ელექტრონული ინჟინერიის და სამოქალაქო ინჟინერიის საბაკალავრო პროგრამები.
__________________________________________________________________
ტექნოლოგიური ფორუმის ღონისძიებები 🔻
▪️ 12:00 – 14:00 | დამამთავრებელი კურსის სტუდენტთა ქეფსთოუნ (სადიპლომო) პროექტების პრეზენტაციები;
▪️ 14:00 – 17:00 | ტექნოლოგიური სფეროს დასაქმების ფორუმი – ინდუსტრიული ორგანიზაციების სტენდები, შეხვედრები სტუდენტებთან სტაჟირებისა და დასაქმების შესაძლებლობებზე;
🔗 დასაქმების ფორუმზე კომპანიის წარდგენისა და მონაწილეობისთვის გთხოვთ, შეავსეთ სარეგისტრაციო ფორმა:
https://shorturl.at/fIqA0
(რეგისტრაციის ბოლო ვადა: 8 ივლისი)
▪️ 15:00 – 17:00 | ტექნოლოგიური პროგრამების ღია კარის დღე – საინფორმაციო სესია აბიტურიენტებისთვის ტექნოლოგიური მიმართულებების საბაკალავრო პროგრამების უკეთ გასაცნობად.
ღონისძიებაზე აკადემიური და პრაქტიკული კომპონენტები გაერთიანდება სტუდენტთა პროფესიული განვითარებისა და დასაქმების ხელშესაწყობად.
🌐 სამუშაო ენა: ქართული
📅 დრო: 12 ივლისი, 12:00-17:00 საათი
📌 ადგილმდებარეობა: Radisson Blu Iveria
პროგრამა იხილეთ ბმულზე 🔗
https://iliauni.edu.ge/uploads/other/88/88376.pdf
