Vi har den store juleglede å kalle inn til den tradisjonsrike tevlinga EM (EidaMesterskap) i JULEMANNMALING!
NB: Påmelding må til, og den er litt bindande, sidan vi må vite kor mange julemenn vi skal bake, og kor mykje premiar og utstyr vi skal førebu.
Ver om deg; vi har eit tak på 40 deltakarar.
Først til mølla får.. ehm, male!😁
TRYKKJER DU PÅ "SKAL" ER DU Å BETRAKTE SOM PÅMELDT👍
Startkontigenten på 100 kroner betalast ved ankomst. Dette dekkjer utgifter til penslar, maling og utstyr, kakemenn/damer, premiar osv.
EIN regel gjeld: ALT ER LOV!
Alt av ekstrautstyr må du ta med sjølv. Her er det kun fantasi, tilgang, bæreeve og økonomi som set grenser. Det har tidlegare vore observert ivrig bytehandel på customutstyr blant deltakarane. Dette er sjølvsagt også tillete.
Det blir premiering i to klasser: julemenn og juledamer. Ein meir eller mindre kvalifisert jury vil vurdere bidraga utifrå kreativitet, orginalitet og kunstnerisk uttrykk.
Crêperiet held ope kontinuerleg frå kl 11.00 til langt på kveld/natt. Kveldsmenyen består av spekemat, salt småsnacks, kaker og is. Og sjølvsagt open bar.
NB: 18års aldersgrense pga rettigheitar.
Program for kvelden:
19.30 Ankomst.
19.35 Proviantering i baren, og inspeksjon av utstyr. Mental førebuing.
20.00 Maling og inntak av snacks og forfriskningar.
21.30 Frist for innlevering av julemenn og –damer som skal vurderast.
21.35 Juryen set i gang sitt arbeid.
22.00 Juryen annonserar vinnarane og delar ut premiar.
22.30 Feiring av siger/nederlag. Etter dette blir det fri aktivitet (innan rimelege grenser)
Trivselsfaktor, kreativitet og støynivå når mest truleg nye høgder også denne gongen.
Dette gledar vi oss skikkeleg til!
Vel møtt!😘
You may also like the following events from Chez maman Crêperie & Café:
