Bli med på Dronning Ingerids livsreise gjennom Anna Zehentbauers levande tolking av sogene!
Omkring år 1120 sende Kong Ragnvald Knapphovud av Sverige si eigenrådige dotter Ingerid til Danmark for å skape fred og forsoning med nabolandet. Det blei byrjinga på ein blodig familiesaga med taktisk spel, utruskap og hemndrap.
Fødd prinsesse, la Ingerid Rangnvaldsdotter etter kvart Norden for sine føter. Mennene hennar døydde som fluger, medan Ingerid med si sprengkraft trakk i trådar, krona sønene som kongar og nær sagt la under seg halve kongeriket Noreg. Bli med på den halsbrekkande reisa Ingerid tok frå Uppsala i Sverige til Stårheim i Nordfjord.
Framsyninga er ein monolog der det meste kan skje; fra spøk til blodig alvor, filosofering om verda no og då, The Big Bang, og om Ingerid til slutt fann indre ro på Stårheim eller kjempa til siste andedrag.
Anbefalt aldersgrense 12 år.
Forestillingslengde: 1 time. (ingen pause)
Forestillingar:
Onsdag 10. desember kl.19.00 (Ny-premiere)
Torsdag 11. desember kl.19.00
Fredag 12. desember kl. 19.00
Laurdag 13. desember kl. 15.00
Faktaboks om Ingerid:
Om Dronning Ingerid:
● Fødd i Uppsala, Sverige i ca 1105
● Dronning av Noreg på 1130-tallet
● Gift fire gonger og fekk ti barn
● Ektefeller: Henrik Skadelår, Harald Gille, Ottar Birting og Arne Ivarsson av Stårheim
● Born: Kong Magnus (Henriksson), Riksjarl Ragnvald Henriksson, Hertug Knut Henriksson, Hertug Buris Henriksen, Kong Inge (Krokrygg), Orm «Kongsbroder» Ivarsson, Inge Arnesson, Bisp Nikolas (Arnesson), Filip Arnesson, Margrethe Arnesdotter
● Døyde på Stårheim, Norge i ca 1161
Team:
Prosjekteigar, idé og skodespelar/innvendig auge: Anna Zehentbauer
Regi/utvendig auge: Anna Dworak
Produsent: Johanna Øyno
Kostymedesign: Cesca Dvorak
Illustrasjon plakat: Kristine Amalie Angvik
Produsert av Whaleinthesky Produksjoner i co-produksjon med Sagastad.
Prosjektet var først støtta av Kulturrådet Norsk Kulturfond, Fond for utøvende kunstnere, Fritt Ord, Bergesenstiftelsen, Fond for Frilansere og Stad Næringsfond. Gjenopptakinga er støtta av Sparebanken Norge, Sparebankstiftinga Sogn og Fjordane og Scenekunstbruket.
