ÖNDUM INN Í SUMARIÐ

Sumarið er tíminn!

Eftir annasaman vetur er mikilvægt að huga að okkur sjálfum og hlaða batteríin. Á þessu námskeiði er meginmarkmiðið að skoða leiðir sem hægt er að fara til að næra okkur og styrkja, hvort sem er í sumarfríinu eða dagsins önn. Við kíkjum í verkfærakistu jákvæðrar sálfræði og pælum í því hvernig við getum hlúð að okkur með núvitund og samkennd í eigin garð að leiðarljósi. Einnig ræðum við um tilfinningalegt hugrekki, gildi þess að næra félagsleg tengsl, þakklæti og góðvild ásamt ýmsu öðru sem rannsóknir hafa sýnt fram á að geti stuðlað að aukinni hamingju, gleði og tilfinningalegu jafnvægi í leik og starfi.

Leiðbeinandi á námskeiðinu er Bryndís Jóna Jónsdóttir aðjúnkt og doktorsnemi við Menntavísindasvið HÍ. Hún hefur lokið MA-gráðu í náms- og starfsráðgjöf, B.Ed-prófi og MA diplómu í jákvæðri sálfræði. Auk þess hefur hún farið í gegnum margvíslega kennsluþjálfun á sviði núvitundar og samkenndar bæði hérlendis og erlendis ásamt því að hafa skrifað bókina Núvitund í dagsins önn. Bryndís Jóna hefur yfir 25 ára starfsreynslu á sviði kennslu, náms- og starfsráðgjafar, stjórnunar og skólaþróunar á öllum skólastigum og brennur fyrir því að auka velfarnað í skólastarfi.

Námskeiðið er samstarfsverkefni STÍL og Vigdísarstofnunar

ÁHUGASAMIR SKRÁI SiG. Nú ER SKRÁNING OPIN FYRIR ALLA KENNARA!
SKRÁNING:
https://docs.google.com/forms/d/e/1FAIpQLSetRCnfqgx8er_OlRii_O7ZtLJTK4NgoFOzdcb283UAWe4DWg/viewform?usp=header