Lestrarhátíð | Opinn bókaklúbbur með Kvenréttindafélaginu

Kvenréttindafélagið býður gestum í opinn bókaklúbb þar sem rætt verður um skáldsöguna Stúlka, kona, annað eftir Bernadine Evaristo, sem kom út í íslenskri þýðingu árið 2021. Auður Önnu Magnúsdóttir stýrir umræðunum. Í kjölfarið verður hægt að fá lánaðan „Bókaklúbb í poka“ með nokkrum eintökum af bókinni og ýmsu aukaefni.

Fólk er hvatt til að mæta og taka þátt hvort sem það hefur lesið bókina eða ekki. Um er að ræða einn einstakan viðburð, ekki viðburðaröð.

Viðburðurinn er hluti af Lestrarhátíð á Borgarbókasafninu, sem fer fram 11. maí í Grófinni milli klukkan 11:00-17:00. Bókaklúbburinn verður haldinn klukkan 16:00 á 5. hæðinni.


LESTRARHÁTÍÐIN:
Markmið Lestrarhátíðarinnar er að vekja áhuga á lestri, kynna fjölbreytt lesefni, skapa hugguleg rými til lesturs inni á safninu og bjóða upp á viðburði eins og opna bókaklúbba, upplestur ljóða, bókmenntagetraunir og margt fleira. Með hátíðinni er lögð sérstök áhersla á að auka sýnileika lesturs og skapa vettvang fyrir samveru í kringum lestur, þar sem fólk á ólíkum aldri og með mismunandi bakgrunn getur komið saman.

Nánar um hátíðina: https://borgarbokasafn.is/vidburdir/bokmenntir/lestrarhatid-borgarbokasafnsins

You may also like the following events from Borgarbókasafnið:

• Next Saturday, 10th May, 11:00 am, Smiðja | Pödduhótel in Reykjavík
• Next Sunday, 11th May, 01:00 pm, Sögustund og mömmusmiðja in Reykjavík
• Next month, 20th May, 11:00 am, Bambaló tónlistarstund in Reykjavík