Boklansering: Heilt aleine av Karen Kyllesø

Velkomen til lansering og bokbad i Årdal!

Stad: Høiland Gard
Tid: 27. september dørene åpner klokka 15.00, og programstart 15.30
Servering: Kake og kaffi

Karen Kyllesø er den yngste til å gå aleine til Sørpolen nokosinne. I boka Heilt aleine skriv ho sjølv om kvifor ho drog, og korleis det gjekk.

Ta turen til Høiland Gard laurdag 27. september for å få med deg lanseringsfest med bokbad! Det vil også vera høve til å kjøpe signerte bøker etter bokbadet.


Det finst mange 15-åringar som drøymer om å dra til eit av verdas ytterpunkt, men berre dei færraste set draumane ut i livet. Som 21-åring stod Karen Kyllesø på Sørpolen etter 54 dagar aleine på tur.


Kva fekk ho til å legge ut på ei så lang, einsam reise til det kaldaste og mest isolerte kontinentet i verda?

«Eg forstod det ikkje då eg var lita, men eg forstår det no: Etter kvart som åra gjekk, vart grensa flytta lenger og lenger framfor meg. Turane vart lengre og lengre og på sett og vis meir og meir ekstreme. Det å stadig finne nye utfordringar har for meg vore å jakte på meistring.»

I denne personlege og spektakulære forteljinga får du svaret på korleis ho klarte å gå dei 1130 kilometrane inn til Sørpolen – og kva ho tenkte på undervegs.

You may also like the following events from Det Norske Samlaget:

• Next Friday, 22nd August, 08:00 pm, Internett på 90-talet! Boksamtale før diskotek. Anne Gunn Halvorsen med gjestar in Oslo