Tur frå Veitastrond til Fjærland

Laurdag 30 .august går vi den gamle ferdselevegen mellom Veitastrond og Fjærland.

Vi starter med felles buss frå Sogndal Skysstasjon kl 08:00, og då er vi klar til å starte å gå frå Vårstølen på Veitastrond litt før 09:30.

Vi følgjer sti opp i Snauedalen, krysser grensa inn til Jostedalsbreen nasjonalpark, og fortsett meir slakt, men med stigning innover dalen. Stigninga opp til Supphelleskaret er dryge 600 høgdemeter fordelt på kring 6 km. Då vi nærmer oss høgste punktet så er truleg stien mindre tydeleg og det er ei kortare strekning med litt ur. Her har det opp igjennom åra ligge ei snøfonn gjennom heile sommaren, men den er truleg smelta vekk no. I Supphelleskaret er vi halvvegs og vi går i svinger ned Skardbakken og ut Supphelledalen. Turen ut dalen er lenger enn ein trur, men ein får m.a. eit flott utsyn opp mot Vetle Supphellebreen som vi passerer under. Siste del av turen gjennom Supphelledalen er truleg noko tilvakse og det kan vere våte parti, så ein bør ha godt fottøy.

Turen kjem i vanskegrad-kategori raud. Men, vi satser på å bruke god tid, til saman 7-8 timar inkludert pauser.

TRANSPORT

Det vil vere transport til Veitastrond og tilbake til Sogndal frå Supphelledalen. Pris for transport vil vere 500,- pr person. Betaling kan vippse til turlaget etter endt tur på 99206

PÅMELDING

Turen krev påmelding for å vite kor mange som trenger transport. Påmeldingsfrist onsdag 27. august.

Meld deg på her: https://aktiviteter.dnt.no/register/turfraveitastrondtilfjaerland_24022025112215

TURLEIARAR
Leif Longvanes (90646424) og Anne Rudsengen (95963888)

Velkommen på tur!

You may also like the following events from Sogndal Turlag:

• Next Saturday, 6th September, 09:00 am, Grunnkurs havkajakk in Førde