Fottur langs veglause strender på sørsida av Sognefjorden!

Fotturen langs veglause strender i Sogn er etterkvart blitt ein tradisjonstur i Indre Sunnfjord Turlag.

I år hadde turen så lang venteliste at vi har sett opp ein til 31.august.
Vi startar turen frå Sylvarnes i Vik kommune. For å kome dit vert det leigd båt frå Nordeide kai, då får vi også ein flott båttur over Sognefjorden. Vi går på kupert sti av variabel kvalitet langs Sognefjorden til Ortnevik på Høyanger sørside. Lengd ca 10 kilometer.

Dette er ein middels lett tur, men du må vere i stand til - og motivert for - å gå ein minst seks timar lang tur i roleg tempo, inkludert pausar. Vi vil stoppe ved nokre av dei ni gardane vi er innom. Dei fleste bruka er nedlagde, men mange av husa og tuna er godt vedlikehaldne. Berre på Sylvarnes er det fastbuande. Dette er såleis ei kulturhistorisk vandring i storslått natur.

PÅMELDING innan 14.august pga båtskyss. Meir informasjon på heimesida dnt.no/indresunnfjord.

You may also like the following events from Indre Sunnfjord Turlag:

• Next Saturday, 23rd August, 09:00 am, Lifjellet i Hyllestad in Førde