Kokosbananas - Det Store Showet // Sogndal Kulturhus

Bli med barnas favoritt Kokosbananas inn i eit univers som feirar fantasiens og forteljingas skapande kraft! På scena står Rolf Magne Golten Andersen, mannen bak Kokosbananas-karakteren som har blitt eit fast innslag hjå mange barnefamiliar dei siste åra.

Kokosbananas er ein liten oppfinnar som bur saman med Mamma Banana, Pappa Kokos og veslesystera Baby Koko. I oppfinnarskuret sitt lagar Kokosbananas dei villaste oppfinningane, noko som alltid får han opp i rare og komiske situasjonar.

Rolf Magne har skrive både lyd- og papirbøkene om Kokosbananas, og det er også han som gir liv til dei karakteristiske stemmene. I dette showet blir publikum invitert inn i Kokosbananas-forteljingane som boblar over av leik og rare påfunn. Og det blir vel ikkje eit ekte Kokosbananas-show utan at det dukkar opp ei oppfinning eller to!

Passar for born frå 3 til 9 år, men er òg moro for storesysken, foreldre og besteforeldre!

Illustrasjonar: Victoria H. Hamre
Koreograf: Sofie Øren

Stad: Storsalen, Sogndal Kulturhus.
Dato og tid: Laurdag 30. august kl. 13:30.
Varigheit: cirka 45 minutt.
Billettpris: kr 249,-

You may also like the following events from Sogndal Kulturhus:

• Next Saturday, 6th September, 02:00 pm, Gubben og Katten og hanespetakkelet - Gratis in Førde
• Next month, 18th September, 06:30 pm, Odd Nordstoga - Spelemann // Sogndal Kulturhus – Få billettar! in Førde
• Next month, 26th September, 07:00 pm, Treverket // Blaoboxen in Førde