Sogn og Fjordane MS-foreining inviterer både medlemmar og andre til eit direkte og ærleg foredrag om å vere forelder og pårørande når livet ikkje gjekk som planlagt.
Med glimt i auget og klump i halsen deler klinisk sosionom og familieterapeut Monica Sæle, erfaringar frå eige liv, der utfordringar, sorg og sjølvkritikk går hand i hand – midt i kvardagar som krev klesvask, køyring til trening, og ikkje minst: at du kan svare på dagens viktigaste spørsmål – «Kva blir det til middag?»
Sæle jobbar på sjukehuset som sosionom i somatikken og har jobba fleire år i NAV. Ho har mykje erfaring med å jobbe med menneske i ulike livskriser. Ho er også pårørande til eit born med særskilte behov. I tillegg skriv ho master i relasjonsleiing og er medlem i råd for menneske med nedsett funksjonsevne.
*****
Foredraget er ikkje berre for dei som har, eller er pårørande for nokon som har MS. Vi ønskjer alle hjarteleg velkomne.
Det blir servert pizza frå Best pizza etter foredraget.
Stad:
4. etasje på Røde Kors-bygget i Førde. Adresse: Langebruvegen 28.
Pris:
Gratis for medlemmar av Sogn og Fjordane MS-foreining.
For ikkje-medlemmar: 100,- per person inkl. mat.
Påmelding:
Send e-post til
bXNzb2dub2dmaiB8IGdtYWlsICEgY29t innan 25. august. Meld også frå om eventuelle allergiar.
|
