Հայաստանի տնտեսության տարբեր ոլորտների՝ հանքարդյունաբերության, անտառային տնտեսության, գյուղատնտեսության և էներգետիկայի զարգացումը հաճախ ուղեկցվում է շահերի բախումներով։ Այս գործընթացներում առաջանում են հողի օգտագործման, բնապահպանական և սոցիալ–տնտեսական հակասություններ, որոնք կարող են խոչընդոտել կայուն զարգացման ընդհանուր նպատակներին։
Այս խնդրին է նվիրված Եվրասիա միջազգային համալսարանի, Resolve Academy-ի և ESAC նախաձեռնության համատեղ պանելային քննարկումը, որի նպատակն է ուսումնասիրել ոլորտային հակասությունների իրավական և սոցիալ–տնտեսական կողմերը և ներկայացնել համատեղ զարգացման հնարավոր ուղիներ։
Քննարկման հիմնական ուղղությունները
1. Հանքարդյունաբերություն և անտառային տնտեսություն – բնապահպանական հետևանքներ և իրավական սահմանափակումներ։
2. Հանքարդյունաբերություն և գյուղատնտեսություն – հողի օգտագործման և փոխհատուցման հարցեր։
3. Անտառային տնտեսություն և գյուղատնտեսություն – պարենային անվտանգության և էկոհամակարգերի պահպանության խնդիրներ։
4. Էներգետիկա և գյուղատնտեսություն – էներգետիկ ենթակառուցվածքների ազդեցությունը գյուղատնտեսական հողերի վրա։
Քննարկումը կվարեն երկու մոդերատոր՝ իրավական և սոցիալ–տնտեսական տեսանկյուններից, ապահովելով մասնակիցների ակտիվ ներգրավում հարցուպատասխանի և քննարկումների միջոցով։
Մոդերատորներ
• Տիգրան Մկրտչյան – իրավական ուղղություն
• Լուսինե Մանուչարյան – սոցիալ–տնտեսական ուղղություն
Խոսնակներ
• Դավիթ Խաչատրյան (Ամերիկյան համալսարան, Երևան)
• Լիլյա Շուշանյան (Credel Advisory)
• Տաթևիկ Կարապետյան (Resolve Academy)
Քննարկումը հնարավորություն է համալսարանական հանրության և մասնագիտական շրջանակների ներկայացուցիչների համար մասնակցելու երկրի կայուն զարգացման ռազմավարական թեմաների շուրջ գիտակրթական երկխոսությանը։
Միջոցառումը նպատակ ունի նպաստել այնպիսի լուծումների ձևավորմանը, որոնք կբալանսավորեն տնտեսական աճը, բնապահպանական կայունությունը և սոցիալական արդարությունը։
