🍇«Խաղողօրհնեք և ծիսական հարսանիք․ բերքի և սիրո առատություն Երազ այգում»
Քաղենք խաղողը, լցնենք կողովը...
Ճութ-ճութ, ճութ-ճութ, ճութ-ճութ...
Օգոստոսի 17-ին սիրով հրավիրում ենք «Երազ» այգի՝ տոնելու Հայ Առաքելական Եկեղեցու ամենագեղեցիկ ու խորհրդանշական տոնը՝ Սուրբ Աստվածածնի Վերափոխման տոնը, այսինքն՝ Խաղողօրհնեքը։
Այս տարի այն նշելու ենք առանձնակի շքեղությամբ՝ հագեցած տոնական ծրագրով․
🍇 Խաղողի օրհնության կարգ
💍 Հին հայկական ծիսական հարսանիք
🎶 Ազգային երգեր ու պարեր
👐 Վարպետաց դասեր
🎭 Թատերականացված ներկայացում՝ տարազներով, երգ-պարով, հարս ու փեսայով։
👘 «ՏԱՐԱԶՖեստ»
🎤 Համերգային ծրագիր՝ Ethno Colors։
📍 Միջոցառումը կմեկնարկի ժամը 18:00-ից՝ խաղողի եկեղեցական օրհնությամբ։
Տոնակատարության առանցքային իրադարձությունը հայկական ծիսական հարսանիքի ներկայացումն է՝ «Նավակատիք» կրթամշակութային կենտրոնի և «ՄԱՍՈՒՆՔ» ավանդական երգի-պարի համույթի մասնակցությամբ։ Նպատակն է վերականգնել, արժևորել և փոխանցել հայ մշակութային ժառանգությունն ու ազգային ավանդույթները նոր սերունդներին։
Այդ օրը տեղի կունենա նաև Հայաստանի ամենագունեղ մշակութային տոներից մեկը՝ ՏԱՐԱԶՖեստ-ը, որի շրջանակում կցուցադրվեն ազգային տարազներ հայ դիզայներների հեղինակությամբ։
Եվ իհարկե՝ Ethno Colors խմբի հիասքանչ կատարումները կհնչեն «Երազ» այգու ջերմ և հյուրընկալ մթնոլորտում։
🧵Կանցկացվեն վարպետաց դասեր՝
տիկնիկագործության,
կարպետագործության,
գորգագործության,
խաչբուռի հյուսման։
🎉 Տոնական օրը կեզրափակենք ավանդական գեղեցիկ շուրջպարով։
📅 Հանդիպում ենք օգոստոսի 17-ին, ժամը 17:00-ից։
ԱՅԳՈՒ ՄՈՒՏՔՆ ԱԶԱՏ Է։
Այդ օրը կգործեն այգու բոլոր ծառայությունները։
Միջոցառման համակազմակերպիչ՝ Տերյան Մշակույթի Կենտրոն։
📍Yeraz Park / Երազ Այգի
⌚️17:00-23:00
🗓17 օգոստոս
🎫ԱՅԳՈՒ ՄՈՒՏՔՆ ԱԶԱՏ Է։
You may also like the following events from Yerevan Events / Երևանի իրադարձություններ:
|
