Songaren Oda Marita Netteland Norevik og pianisten Maaria Pukkala ønskjer velkomen til Kabuso med eit vakkert, stemningsfullt og variert program søndag 27. juli.
Oda Marita Netteland Norevik er ein klassisk songar frå Voss. Ho har ein bachelor i musikkpedagogikk og klassisk song frå Norges Musikkhøgskole, og ein master i utøvande klassisk song frå Universitetet i Agder.
Ho har fordjupa seg i romansar og lieder frå romantikken fram til etterkrigstida. No tar ho timar med Nadine Secunde i Tyskland.
Ho jobbar freelance som songar og dirigent, som solist, og ensemblesongar i Kilden Vokalensemble, og dirigent for mannskoret Kristiansand Haandverker Sangforening og blandakoret SyngHEFtig. Ho har også jobba som songpedag, mellom anna på ved musikklina på Voss gymnas og Kristiansand kulturskole, Knuden.
Maaria Pukkala er utdanna pianist med mastergrad i utøvande klassisk klaver frå Universitetet i Agder, der ho studerte med Sveinung Bjelland – ein av Noregs fremste klassiske pianistar.
Ho har brei erfaring som pianolærar og akkompagnatør ved musikk- og kulturskular både i Noreg og Finland, mellom anna ved Kuula-instituttet i Vasa, Oulu konservatorium og Haugesund kulturskole.
Frå hausten 2025 blir ho tilsett som pianolærar og akkompagnatør ved Kvam kulturskole. I tillegg til å undervise i piano er Maaria ein aktiv kammermusikar og liedpianist.
Konserten tek publikum med på ei reise gjennom romantikkens og ekspresjonismens meisterverk med musikk av Wagner, Dvořák, Berg, Grieg, Strauss, Rangström, Frumerie og Beach – frå draumande stemningar og nordiske naturskildringar, til intense emosjonelle augeblikk og virtuos briljans.
You may also like the following events from Kunsthuset Kabuso:
Also check out other
Music events in Voss,
Entertainment events in Voss.
