Føredrag med Svein Indrelid: Utvandrerne // Lærdal kulturhus

Føredrag basert på boka "Utvandrerne" av Svein Indrelid. I boka følger vi ei gruppe menneske frå Flåm, Aurland og Lærdal som våren 1844 drog til Bergen - der steig dei ombord på skipet Juno for å krysse havet til Amerika.

Forteljinga er basert på eit stort kjeldemateriale, og tek lesaren tett på fortidas draumar og verkelegheit - og på korleis det er å bygge livet på nytt i eit ukjent land. Opplevingane til desse utvandrarane er langt på veg dei same som dei fleste norske emigrantar hadde i pionertida i 1840-åra, og boka gjengir eit viktig stykke norsk emigrasjonshistorie.

Forfattaren Svein Indrelid er professor emeritus i arkeologi frå Universitetet i Bergen. Han har gitt ut ei rekkje artiklar og bøker om kulturhistorie og arkeologi.

Arrangementet er gratis og det er inga påmelding.

Støtta av Vestland fylkeskommune

You may also like the following events from Lærdal folkebibliotek:

• Next month, 2nd September, 05:30 pm, Sommarlesfest in Voss