Hordaland Bonde- og Småbrukarlag og Sogn og Fjordane Bonde- og Småbrukarlag inviterer alle lokallag til felles fylkesårsmøtesamling i Norheimsund 6.-8. mars 2026.
Påmeldingsfrist: 19. desember.
Lokallaga bestemmer sjølv kven dei skal senda, og alle medlemmar har høve til å melda si interesse for å delta, så anten du er heilt ny medlem eller har vore med i mange år, oppmodar vi deg til å ta kontakt med din lokallagsleiar om du kunne tenkja deg å dra.
--------------
Fylkesårsmøtet 2026 vert ei spanande og sosial helg full av fagleg påfyll og inspirasjon. Fokus vert på korleis vi saman skal jobbe for å byggja ein større og sterkare organisasjon frå grasrota og opp, med fleire medlemmar, meir aktivitet og større politisk gjennomslag.
Nytt av året er at møtet startar allereie på fredag ettermiddag, med opning og utflukt til det lokale samvirkeeventyret Hardanger Bygdeysteri. Der vert det omvisning, middag og fleire inspirerande foredrag.
Laurdag er delt inn i tre hovudbolkar: Politisk verkstad med lokale stortingsrepresentantar, alliansebygging og lokalt arbeid
med politikk, synlegheit og rekruttering.
Dei to fylkeslaga vil halde sine respektive årsmøte sundagen. Helga avsluttast med lunsj på sundag.
Velkomen!
