Vi som solgte landet

Søndag 08.03 Kl. 19:00
Sjanger: Dokumentar
Aldersgrense: Alle (høver vaksne)
Lengde: 1 t. 17 min.
Kr. 85/125,-

Ein kritisk og visuelt slåande dokumentar om prisen for den grøne kapitalismen.

Det er brei semje om at det er naudsynt å bytte ut fossile energikjelder med fornybare alternativ. Dei konkrete tiltaka for å produsere fornybar energi er likevel langt meir kontroversielle, særleg når dei går direkte utover vakker natur, uerstatteleg matjord og menneske sin livskvalitet. I dokumentaren Vi som solgte landet møter me menneske som opplever at naturen rundt dei vert rasert som ei følge av det grøne skiftet, og som ikkje vert høyrde når dei protesterar mot øydeleggande inngrep i liva og nærmiljøet deira.

Regissør Kieran Kolle rettar i denne nye filmen eit kritisk blikk mot praksisen der ein avfeiar all motstand mot grøne energiprosjekt som bakstreversk og suspekt. Me får møte menneske som opplever å bli fullstendig overkøyrde i bærekrafta sitt namn, og som ein fylgje av dette har mista tilliten til demokratiet. Med slåande bilete av vakker norsk natur og møte med menneske som freistar å hindre at heimstadane deira vert øydelagde, skildrar Vi som solgte landet korleis den grøne kapitalismen bidreg til å splitte lokalsamfunn og skape ein veksande motstand mot klimasaka. Dette er ein film som passer perfekt for å starte diskusjonar om eit tema mange kvier seg for å snakke om.

You may also like the following events from Lærdal kino:

• Next Friday, 27th February, 07:00 pm, Scream 7 in Voss
• Next Sunday, 1st March, 07:00 pm, Crime 101 in Voss
• Next month, 7th March, 04:00 pm, Håndbok for Superhelter in Voss

Also check out other Entertainment events in Voss.