Mitt internettliv. Barndom

«Korleis vart internett ein del av oss?»

Dette spørsmålet utforskar Anne Gunn Halvorsen i boka Mitt internettliv. Barndom, som tek utgangspunkt i oppveksten hennar i ei bygd i nittiåra.

Gjennom dagboknotat og intervju med gamle venner og kjærastar, fagfolk og programmerarar fortel ho historia om då internett kom til Noreg: ein unik epoke i norsk mediehistorie då samfunnshierarkiet blei snudd opp ned og barn og unge blei superbrukarar.

Det handlar om teknologien, politikken og driftene som gjorde internett til allemannseige.

Dette er også ei bok om den første generasjonen som levde ungdomstida si digitalt. Dei som brukte kvar ledige stund til å snakke med framande på nettet utan at foreldra ante kva dei dreiv med.

Kva gjorde det med dei?
Og kvifor nektar dei no eigne barn å få oppleve det same?



Anne Gunn Halvorsen kjem frå Vikedal i Rogaland og bur i Oslo. Ho har arbeidd som journalist i over femten år, mellom anna i Dagbladet og Dagens Næringsliv. I dag skriv ho fast for Aftenposten. På Samlaget har ho gitt ut fleire kritikarroste sakprosabøker. Halvorsen er også kjend for ungdomsromanserien Halve kongeriket som ho har skrive saman med Randi Fuglehaug. Den er omsett til 14 språk og har blitt til to Netflix-filmar.

You may also like the following events from Aasentunet:

• Next month, 14th September, 03:00 pm, Mennesket og krigshelten Martin Linge in Volda
• This October, 5th October, 02:00 pm, Familiearrangement: Forfattarbesøk og teikneverkstad in Volda
• This October, 29th October, 07:00 pm, Alle dei i ei – songbokbad med Tom Roger Aadland in Volda