MAC Georgia და კაფე მზიური გიწვევთ მოკლემეტრაჟიანი ფილმების კინოჩვენებაზე, რომელიც შეზღუდული შესაძლებლობის თემას ეხება. ღონისძებაზე ნაჩვენები იქნება ოთხი გამარჯვებული ფილმი MAC Georgia-სა და ChaiKhana-ს ერთობლივი კონკურსის 2024 წლის გამოშვებიდან. 🏡
ყველა ფილმს ერთვის ინგლისური სუბტიტრები.
📽️ იასამნისფერი, ვარდისფერი და ყავისფერი
8 წლის საბა დღის ცენტრ „მომავლის სახლში“ სხვა სპეციალური საჭიროებების მქონე მოსწავლეებთან ერთად დადის და დროის უმეტეს ნაწილს მათთან ერთად ატარებს. საერთო აქტივობების მიღმა, თითოეულ მათგანს საკუთარი სამყარო აქვს. ისინი ცეკვავენ, მღერიან და ლოცულობენ ერთად, მაგრამ ხანდახან იწყენენ, თავს მარტო გრძნობენ და ეშინიათ კიდეც.
რეჟისორი: ქრისტინე გოგალაძე
ქვეყანა: საქართველო
ხანგრძლივობა: 8 წუთი
წელი: 2024
📽️ sabawithwheels
30 წლის საბა, რომელიც უკვე 9 წელია ეტლით გადაადგილდება, აუდიტორიას საკუთარი ცხოვრების შესახებ ისტორიებს კომიკური მონოლოგების საშუალებით უზიარებს. ფილმში მისგან მოვისმენთ იმ გამოწვევების შესახებ, რომლის გადალახვაც უწევთ საქართველოში ეტლით მოსარგებლე ადამიანებს.
რეჟისორი: ნინიკო ლეკიშვილი
ქვეყანა: საქართველო
ხანგრძლივობა: 7:21 წუთი
წელი: 2024
📽️ ჩიტების ენა
მინდიას ჩიტების ესმის. ჯერ პატარაა და გაუცნობიერებლად ცდილობს რეალურ სამყაროს ტყეში გაექცეს. ჩიტების ესმის, მაგრამ უარს ამბობს ესაუბროს ადამიანებს. მისი უცნაური ქცევა მშობლებს შორის დაძაბულობას იწვევს. ვერ გარკვეულან, რა ელის მინდიას მომავალში. შიში სხვადასხვა ენაზე ალაპარაკებს. მაშინ, როცა გვირაბში თითქოს სინათლე არ ჩანს, სამყარო თავად აძლევს ოჯახს შერიგების და ახალი ცხოვრების დაწყების ნიშანს.
რეჟისორი: სალომე საღარაძე
ქვეყანა: საქართველო
ხანგრძლივობა: 8 წუთი
წელი: 2024
📽️ გონების სცენა
ნიკა მზრუნველი დასით გარემოცული ახალგაზრდა მსახიობია, რომელიც სცენის მიღმა სტიგმას ებრძვის. ადრეული ასაკიდან ნიკას ფსიქიკური აშლილობა დაუდგინდა გონებრივი ჩამორჩენით, რამაც მის სოციალურ ინტეგრაციას ხელი შეუშალა. ნიკა დაცინვის სამიზნეც არაერთხელ გამხდარა და თავი გარიყულად უგრძნია. წარსულის აჩრდილი თან სდევს, თუმცა ინკლუზიურ თეატრში „აზდაკის ბაღი'' მისვლის შემდეგ, თითქოს თავიდან დაიბადა მეგობრები გაიჩინა და მარტოობა დაძლია. ახლა მომავალზეა კონცენტრირებული. ნიკა ოცნებობს წარმატებული მსახიობი გახდეს.
რეჟისორები: ბაქარ ჩერქეზიშვილი და ჰანა ჰოვიტიე
ქვეყანა: საქართველო
ხანგრძლივობა: 6:35 წუთი
წელი: 2024
✅ დასწრება თავისუ
ფალია, ♿️ სივრცე #ადაპტირებულია ეტლით მოსარგებლეებისთვის.
💙 მზიურის კინოჩვენებები იმათება თიბისის მხარდაჭერით
You may also like the following events from კაფე მზიური • Cafe Mziuri:
