შემოუერთდი ევროპელ ავტორთა დღეს საქართველოს წიგნის ასოციაციასთან ერთად:
საქართველოს წიგნის ასოციაცია ევროპელ ავტორთა დღესთან დაკავშირებით გიწვევთ ევროპელ მწერალთან შესახვედრად.
11 დეკემბერს, 16:00 საათზე, საქართველოს წიგნის ასოციაცია და გამომცემლობა "პეგასი" ერთად უმასპინძლებენ ნატალია ტროხიმს საქართველოს გოეთეს ინსტიტუტში.
ნატალია ტროხიმი უკრაინელი პოეტი, მთარგმნელი და საბავშვო ავტორია. ის ქალაქ ლვოვში ცხოვრობს, უყვარს საქართველო და თარგმნის ქართულ თანამედროვე ლიტერატურას. ამჯერად ის საქართველოს ყველაზე ახალგაზრდა მკითხველებთან შესახვედრად ეწვევა.
ევროპის ავტორთა დღე 2023 წელს დაარსდა ევროკომისიის ინიციატივით. 2025 წლიდან ეს დღე #ReadForReal სლოგანის ქვეშ აერთიანებს ბიბლიოთეკებს, სკოლებს, საგანმანათლებლო სფეროს წარმომადგენლებს და ავტორებს ევროპის სხვადასხვა ქვეყნიდან.
პროექტის მიზანია, ბავშვებმა და ახალბედა მკითხველებმა აღმოაჩინონ ევროპელი ავტორები, პირადად შეხვდნენ მათ, დაუსვან კითხვები და რაც მთავარია, საკუთარ სკოლასა და ბიბლიოთეკაშიც გამართონ კითხვის წამახალისებელი აქტივობები.
ევროპელ ავტორთა დღეზე გიწვევთ ყველას, ბავშვებს, მშობლებს, მასწავლებლებს, ბიბლიოთეკების წარმომადგენლებს, ავტორებს, წიგნის მაღაზიებს. ეს არის შესაძლებლობა, ერთად კითხვა ვაქციოთ ტრადიციად და მეტი ადამიანი ჩავრთოთ ამ ინიციატივაში.
ღონისძიებაზე დასასწრებად, გთხოვთ, გაიაროთ მარტივი რეგისტრაცია. თუ თქვენს სკოლაში ან ბიბლიოთეკაში განახორციელებთ წამახალისებელ აქტივობას, ჩვენ გადმოგცემთ დამხმარე მასალებს:
https://forms.gle/2jqkzGLpSnCsSXvGA
დამატებითი ინფორმაცია პროექტის შესახებ:
https://www.readforreal.com/ka/
#EuropeanAuthorsDay #ReadForReal
You may also like the following events from Georgian Book Association •საქართველოს წიგნის ასოციაცია:
