Teitur & Girls in Airports 'Kvæði’ konsert

Teitur og danski indie-jazz bólkurin Girls in Airports spæla konsert í Auluni í Finsen fríggjadagin 12. september við tónleiki av forkunnugu 'Kvæði' plátuni, sum varð útgivin í november í fjør.

Á plátuni hava Teitur og Girls in Airports endurtulkað føroyskan fólkatónleik; rím, skjaldur og kvæði, og borið hann fram í einum jazzutum, elektroniskum og indie-kendum hami.

Samstarvið varð skotið í gongd í 2022, tá Teitur og Girls in Airports settu sær fyri at gera nýggjan tónleik og spæla konsertir saman. Hetta útviklaði seg skjótt til plátuna 'Kvæði'.
Hugsanin handan verkætlanina er at seta føroyska sangarvin í nýtt ljós og bjóða dagsins ættarliði atgongd til hann uppá aðrar mátar, enn vit fyrr hava upplivað.

Gaffa.dk gevur plátuni sera góð skoðbrá og sigur m.a við 5 av 6 stjørnum:

“... úrslitið er imponerandi. Tónleikurin er sera óvanligur. Vigar meistaraliga millum melodiska sangarvin, fjølbroyttan vokaljazz, nútímans elektro-akustiskan tónleik og tað meira óskilgreinda indie-elementið, sum bæði Teitur og Girls in Airports meistra.
(...)
Teitur og Girls in Airports duga at endurnýggja tey gomlu løgini og leiða tey á aðrar, spennandi kósir, sum – eftir mínari meining – letur heimsins hurðar upp aftur. Fløgan er spennandi. Brýtur upp úr nýggjum. Bjóðar av.”

Teir hava higartil havt fleiri konsertir í Danmark, og fleiri vera afturat í summar. Konsertin í Finsen í september er fyrsta konsertin her á klettunum, og atgongumerki fáast á:

https://www.atgongumerki.fo/3321580/teitur-girls-in-airports-kvaedi-konsert

LEINKJUR:

'Ólavur Riddararós' live video:
?si=2c8OrKgeckOPrHdR

'Angankári' video:
?si=yuO63XAjRjDJb0qN

'Krabbasker' video:
?si=GBmBaDBi24GfXvSP

Teitur og 'Kvæði' í sendingini Leitisstein:
https://kvf.fo/ljod/sending/leitisstein?sid=188282

https://teitur.com/
https://www.instagram.com/teiturlassen/

https://girlsinairports.com/
https://www.instagram.com/girlsinairports/

You may also like the following events from Tórsgøta:

• Next Monday, 28th July, 05:00 pm, Livandi fólkatónleikur á ólavsøku! in Tórshavn
• Next Tuesday, 29th July, 05:00 pm, Livandi fólkatónleikur á ólavsøku! in Tórshavn
• Next month, 5th August, 07:30 pm, Norðan í Auluni í Finsen in Tórshavn

Also check out other Concerts in Tórshavn, Music events in Tórshavn, Entertainment events in Tórshavn.