AMEMA í Navia á Toftum (Summartónar)

25. juli 2025, 20.00
Navia, Oyrarnar 10, Toftir
100 DKK (við dyrnar)
____________________________
AMEMA kvartettin
Marta Torkilsdóttir (floyta)
Elsa Maria Dam Kongslíð (floyta)
Andrea Heindriksdóttir (floyta)
Anna Klett (klarinett)
___________________________

Andrea Heindriksdóttir og Anna Klett byrjaðu báðar at spæla tónleik á ungum árum í Tórshavn har grundarlagið fyri bæði vinalagið og yrkisleiðina varð lagt og eru tær síðani vorðnar ein grundarsteinur innan klassiska føroyska tónleikalívið. Eftir loknan lesna á Kongeliga Danska Musikkonservatoriinum í Keypmannahavn fóru tær hvør til sítt - Anna til víðari lesna uttanlanda og síðan til starv í millum annað Athelas Sinfonietta og Figura ensemble, og Andrea til áhaldandi og ótroyttiligt arbeiði á Tórshavnar Musikkskúla. Tær spæla báðar í kamartónleikabólkin Aldubáran har tær eru fastir limir og hava umframt tað spælt við Føroya Symfoniorkestur síðani allarfyrstu konsertini í 1983. Andrea og Anna fáa fylgið av fyrrverandi næmingum hjá Andreu, ElsaMariu Dam Kongslíð og Martu Torkilsdóttir, ið báðar lósu víðari á Musikhögskolan i Malmö og nú fylgja í fótafetunum hjá henni sum floytulærarar.

Konsertin verður í hugnaliga handlinum hjá Navia á Toftum. Blómuhúsið er tíverri ikki opið í løtuni sum konsertstað.
Øll eru hjartaliga vælkomin.