СИНА СЕНКА [премиера]

ПРЕМИЕРА НА СИНА СЕНКА / 𝗕𝗟𝗨𝗘 𝗦𝗛𝗔𝗗𝗘
13.11.2025 20ч.
Младински културен центар

Автор: Брајан Рејнолдс
Режисер: Тамара Стојаноска
Превод од англиски јазик: Сашо Огненовски
Оригинална музика: Мајкл Хукер
Музика за претставата и нови аранжмани: Лука Тошев
Дизајн на постер и рекламен материјал: Бојана Цилевска
Избор на костими: Тамара Стојаноска во консултација со актерската екипа
Сценографија: Тамара Стојаноска
Изработка на специфични реквизити: Благој Илиев

Играат: Кристијан Танчевски, Мина Јелушиќ Јериниќ, Бобан Алексоски, Сара Спиркоска, Ане Блажовски, Ема Лазарова, Кристијан Петковски и Стефан Арсиќ

Продукција: Театар „Златен Елец“ Скопје

🌀„Сина сенка“ е проект во соработка со американскиот автор Брајан Рејнолдс кој за првпат се поставува во Македонија. Делото продира длабоко во реалноста на денешното општество, времето во кое опстануваме, системот во кој живееме и начинот на кој тој систем создава насилство. Кој ги создава насилниците и кој има корист од нашиот страв? Претставата отвора прашања за тоа како медиумите нè трујат со лажни вредности, како фармацевтската индустрија и големите бизниси го користат човечкиот страв за поголем профит, и како поединецот станува жртва, но и продукт на една болна општествена машина. Ова е современа приказна за човекот во системот, истовремено жртва и соучесник, борец и сенка. Може да се доживее и како ехо на култните драми за „малиот човек“, современ „Војцек“ или „Хинкеман“, каде хуманоста се губи под тежината на стравот, контролата и манипулацијата. Претставата создава свет во кој реалноста и илузијата се преплетуваат, а секоја сцена пулсира со прашањето: дали навистина живееме, или само преживуваме? „Сина сенка“ не завршува со спуштањето на завесата, таa продолжува во секојдневието, во вестите, на улиците, во тишината со која го прифаќаме апсурдот како нормален. Но вистинската борба не е само против системот, туку против стравот во нас самите. Претставата нè води таму каде што започнува секое насилство, во човечката свест, во нејзината сенка.

- Тамара Стојаноска

🌀 БРАЈАН РЕЈНОЛДС / Bryan Reynolds
Брајан Рејнолдс е американски драмски автор, режисер, изведувач и теоретичар на изведбата, чија работа го обединува театарот, филозофијата и современата културна мисла. Тој е коосновач и уметнички директор на Transversal Theater Company со седиште во Амстердам – театарска трупа позната по своите експериментални, интердисциплинарни и концептуално храбри претстави. Делата на Рејнолдс, создадени во продукција на Transversal Theater или други организации, се изведени на повеќе од 70 сцени во 19 земји на четири континенти. Неговите драми вклучуваат Unbuckled, Woof, Daddy, Railroad, Blue Shade, Lumping in Fargo, Eve’s Rapture, The Green Knight, Nabi Saleh, Fractalicious!, No Erasure, Curie, Curie, Interview the Dead, After Images, or Marie Curie Remembers, The Passage и LifeLines: Blavatsky Freud Experience (во коавторство со Џон Мекензи и Савијана Станеску). Некои од неговите текстови се достапни на Academia.edu, но авторот често создава нови верзии и ревизии на своите дела. Како научник, Рејнолдс е автор на повеќе значајни книги меѓу кои: Excess & Joy: Philosophical Transversations (2022), The Transversality of Gregory de la Haba: The Future of Art & Myth Are Upon Us (2022), Intermedial Theater: Performance Philosophy, Transversal Poetics, and the Future of Affect (2017), Transversal Subjects: From Montaigne to Deleuze after Derrida (2009), Transversal Enterprises in the Drama of Shakespeare and his Contemporaries (2006), Performing Transversally: Reimagining Shakespeare and the Critical Future (2003) и Becoming Criminal: Transversal Performance and Cultural Dissidence in Early Modern England (2002). Како уредник или коуредник, тој стои зад изданијата Performance Studies: Key Words, Concepts, and Theories (2015), The Return of Theory in Early Modern English Studies (2014), Rematerializing Shakespeare: Authority and Representation on the Early Modern English Stage (2005) и Shakespeare Without Class: Misappropriations of Cultural Capital (2000). Меѓу неговите најнови и претстојни проекти се Art Beyond the Edge: Creativity and Conflict in a World on Fire (во коавторство со Марк Левајн, UC Press, 2026), Extreme Sports Performance: Toward a Performance Philosophy and Aesthetics (Routledge), и Theater of Immediacy: Social Change and Revolutionary Performance (коуредник со Марк Левајн). Рејнолдс е професор по драма на Универзитетот во Калифорнија, Ирвајн, каде го развива својот влијателен теоретски пристап наречен Transversal Poetics – рамка која ги истражува врските меѓу уметноста, политиката, свеста и човечкото искуство.

🌀 Голема благодарност до Интернационален универзитет „Еуропа Прима“ Скопје, С.Ц „Дуња“, Кинотека на Република Северна Македонија и Младински културен центар

Also check out other Arts events in Skopje, Performances in Skopje, Entertainment events in Skopje.