Промоција на книгата „Како да исплашиш чудовиште“ од Јана Бауер

Со голема радост ви најавуваме дека писателката Јана Бауер од Словенија ќе биде наша гостинка на интерактивната промоција на нејзината книга „Како да исплашиш чудовиште“, која ќе се одржи во кафе-книжарницата „Буква“ на 22 септември (понеделник) со почеток од 18 часот. Со Јана Бауер ќе разговара преведувачката и писателка Лидија Димковска, а книгата ќе ја прочита актерката Симона Спировска. Специјален гостин на промоцијата ќе биде десетгодишниот Калин Доковски. Донесете ги вашите дечиња, ќе биде забавно!