AMPLIDYNE EFFECT TRIO + Добрила Грашеска
5-ти Декември 2025 (Петок) · Буква, Скопје · Почеток 21:00
Amplidyne Effect Trio е концертна формација на музичкиот проект Amplidyne Effect на Мартин Георгиевски, активен од 2009 година и препознатлив по амбиентална, електронска и импровизирана музика. Проектот има издадено повеќе албуми и настапувано на фестивали како Pohoda Festival, Десонанз, Live Soundtrack, PNEM Sound Art Festival, и други.
Како трио, Amplidyne Effect настапува заедно со Владимир Мартиновски (тамбура, кавал, удиралки) и Соња Димитриоска (флејта), создавајќи звучен пејзаж на амбиентални, и електронски елементи во слободна форма. Концертот е целосно од импровизиран карактер, со фокус на моментална интеракција, текстура и звук.
Специјална гостинка на концертот е Добрила Грашеска, македонска вокалистка и авторка активна од 2006 година, позната по работата со Чалгија Саунд Систем и Добрила и Дориан Дуо. Има издадено неколку албуми (Чалгија Саунд Систем, ТИХУВАЈ, Апокриф, Пиле шарено), а уште два нови албуми ја чекаат светлината на денот. Настапувала на фестивали како Rudolstadt, Sfinks, Colour Meeting Festival, Festival Aux heures d'été, Etnosoi!, Sarajevo Jazz, Offest, и има соработувано со бројни регионални и меѓународни уметници, како и на филмска, театарска и мултимедијална музика.
www.ampeff.com
Also check out other Festivals in Skopje, Meetups in Skopje, Music events in Skopje.
