Sumarbasar Stróks

Sumarbasar Stróks virknimiðstöðvar á Selfossi verður haldinn laugardaginn 7. júní næstkomandi í húsnæði Stróks að Skólavöllum 1 frá kl. 13:00-16:00. Til sölu verða glæsileg handverk sem félagar Stróks hafa unnið að í vetur – handprjónaðar barnalopapeysur og aðrar prjónavörur, glæsileg málverk, handsaumuð tækifæriskort, skartgripir, leður veski og buddur, glæsilegar leðurhárspennur, listilega málaðir blómavasar og steinar, blómahengi og svo lengi mætti telja. Sjón er sögu ríkari. Félagar baka vöfflur og bjóða gestum og gangandi upp á kaffisopa og leiðsögn um húsið. Í garðinum verða grillaðar pyslur og Erlendur Eiríksson söngvari og leikari mun halda uppi stuðinu með karíókí.

Allir velkomnir