Fóðrun og frjósemi

Fimmtudagskvöldið 4. Desember kl 20.00 í Reiðhöllinni á Flúðum ætlar Hrossaræktarfélagið að bjóða upp á fræðsluerindi fyrir félagsmenn og aðra áhugasama.
Tanja Rún Jóhannsdóttir dýralæknir ætlar að koma til okkar og spjalla um það hvernig við getum hugsað sem best um folaldshryssurnar okkar.
Hvernig á að fóðra fylfullar hryssur, hvernig á að fóðra þær til að það sé líklegra að þær fyljist, hvað þarf að hafa í huga fyrir og eftir köstun og hvað þarf almennt að hafa í huga við umönnun á fylfullum hryssum.
Tanja Rún er með meistarapróf í búvísindum með áherslu á fóðurfræði hrossa og nautgripa frá Sænska landbúnarðarháskólanum og útskrifuð sem dýralæknir frá Dýralæknaháskólanum í Slóvakíu. Tanja Rún starfar sem dýralæknir hjá Dýralæknaþjónustu Suðurlands.
Við hvetjum áhugasama til að koma og eiga með okkur fróðlegt og gott spjall um þetta áhugaverða erindi.
Heitt á könnunni og allir velkomnir.