Eggjakökupönnur, saffran og ruslakeppir. Nanna Rögnvaldar skoðar marghliða íslenska matarsögu.

Í Skálholti verður boðið upp á menningarveislu alla laugardaga í maí kl 15:00 með fjölbreyttri fræðslu og göngum þar sem náttúra, saga og menningararfur svæðisins fá að njóta sín.

Laugardaginn 31. maí kemur Nanna Rögnvaldardóttir með erindið; Eggjakökupönnur, saffran og ruslakeppir. Marghliða íslensk matarsaga.

Okkur hættir oft til að telja matarsögu Íslands fremur einhæfa og matinn fábreyttan allt fram á síðustu öld. Var þetta eintómur súrmatur og skyr, harðfiskur og hangikjöt? Nei, það var öðru nær, mataræðið var mun fjölbreyttara en svo. Allt frá upphafi var matarsagan að mótast og matarhefðir að breytast, þótt breytingarnar væru vissulega oft hægfara. Stéttamunur var líka mikill; almenningur nýtti allt sem mögulegt var til matar og át bruðning og ruslakeppi, en á biskupsstólum og höfðingjasetrum gat fólk leyft sér miklu meira, þar voru miklar matarbirgðir, jafnvel tuttugu ára uppsafnaðar smjörbirgðir, og þar komu fram ýmis erlend áhrif í matargerð því að yfirstéttin ferðaðist til útlanda og kynntist nýjum straumum. Þar gátu verið innfluttar krásir á borðum: framandi krydd og hunang, möndlur og vín og margt annað. Þegar grúskað er í gömlum heimildum – sem oft eru í rauninni alls ekki um mat – kemur oft ýmislegt óvænt upp úr kafinu.

Allir viðburðir eru ókeypis og opnir öllum. Uppbyggingasjóður Suðurlands styrkir viðburðinn.

Veitingastaðurinn Hvönn verður opinn og býður m.a. upp á súpu dagsins og brauð á tilboði.

You may also like the following events from Skálholt:

• This Saturday, 10th May, 03:00 pm, Að bjarga bók - Old Icelandic books in Selfoss
• Next Saturday, 17th May, 03:00 pm, Skörungurinn í Skálholti: Valgerður Jónsdóttir biskupsfrú (1771–1856) in Selfoss
• This month, 24th May, 03:00 pm, Under the Surface of Skálholt with Gavin Lucas in Selfoss