Ef ég væri birkitré - útgáfuhátíð Hildar Hákonardóttur

Verið velkomin í Listasafn Árnesinga þar sem við fögnum útgáfu á bókinni Ef ég væri Birkitré eftir Hildi Hákonardóttur.

Boðið verður upp á jurtate, veitingar, söng og tónlist.

Hildur Hákonardóttir mun kynna nýja bók sína; Ef ég væri birkitré, og segja frá tengslum sínum við birkitréð allt frá barnæsku.

Ef ég væri birkitré er stutt frásögn í myndum um birkið sem klæddi landið okkar fyrrum og þann margbreytileika sem það býr yfir. Hún fjallar bæði um náttúru birkisins en einnig notagildi fyrir okkur ívafið þjóðsögum sem um það hafa myndast.
Hildur myndvefari, rithöfundur, baráttukona og ræktandi leiðir okkur inn í heim birkisins með teikningum og fróðleik í þessari litlu bók þar sem hún tínir saman brotin af því sem enn lifir af birkimenningu okkar. Í nágrannalöndunum lifir þó enn þessi menning og við getum tileinkað okkur hana samhliða því að rækta upp ný og beinvaxnari tré. Þetta rit hentar öllum aldurshópum og unnendum birkiræktar. Hildur hefur áður skrifað Ætigarðinn - margs konar fróðleik um villtar plöntur og heimaræktaðar og Blálandsdrottinguna sem fjallar um komu kartöflunnar til Evrópu. Hún hefur gefið út bókina Ég þori, get og vil sem segir frá tilurð Kvennafrídagsins 1975 og síðast tveggja binda hefti: Hvað er svona merkilegt að vera biskupsfrú. Hildur þýddi ásamt Elísabetu Gunnarsdóttur Walden og lífið í skóginum sem er var upphafsrit náttúruvísinda. Bókin hlaut íslensku þýðingarverðlaunin.

You may also like the following events from Listasafn Árnesinga - LÁ Art Museum:

• This Saturday, 22nd November, 01:00 pm, Kannaðu sköpunargáfuna þína með Maó Alheimsdóttur / writing workshop. in Selfoss
• This Sunday, 23rd November, 03:00 pm, Listamannaspjall; Freyja Eilíf - Himnugöt / Rifts in the Veil. in Selfoss
• Next Sunday, 30th November, 01:00 pm, ANDRZEJKI / pólskt spádómskvöld / Polish fortune-telling in Selfoss