Í Skálholti verður boðið upp á menningarveislu alla laugardaga í maí kl 15:00 með fjölbreyttri fræðslu og göngum þar sem náttúra, saga og menningararfur svæðisins fá að njóta sín. Mæting á viðburðina er í fyrirlestrarsal Skálholtsskóla inn af veitingastaðnum Hvönn.
Laugardaginn 10. maí kl 15:00 verður boðið upp á fræðslufyrirlestur í Skálholtsskóla sem ber heitið: „Að bjarga bók“
Eyþór Guðmundsson bókasafnari frá Beitingsstöðum hefur undanfarin 7 ár haldið úti verkefninu Old Icelandic books sem hefur það markmið að varðveita þann menningararf sem liggur í íslenskum fornbókmenntum.
Hann á viðamikið bókasafn fágætra bóka, sem inniheldur m.a. bækur sem prentaðar voru fyrr á öldum en elsta eintakið er biblía á latínu sem var í eigu Dr. Péturs Péturssonar biskups á árinum 1866 – 1889. Sú biblía var prentuð árið 1578 og er því eldri en Guðbrandsbiblía. Einnig á hann handritabrot sem eru talin vera um 600 ára.
Í bókasafninu eru fágætar biblíur og bækur sem prentaðar voru í prentsmiðjum sem staðsettar voru í Viðey, Hrafnseyri, á Hólum og í Skálholti. Meðal bóka hans eru bækur sem eru einungis til í einu eintaki. Eyþór mun fjalla um tilurð Old Icelandic books og frá ferlinu við að bjarga gömlum bókum, en hann þvær bækurnar og bindur þær upp að nýju. Hann mun sýna einhver nokkur af bókum sem voru prentaðar í Skálholti á 17. öld.
Eyþór var gestur í Landanum á páskadag þar sem hann sýndi hvernig hann þvær bækurnar áður en hann bindur þær upp. Sjá hér:
https://www.ruv.is/sjonvarp/spila/landinn/37025/b13497/thvaer-gamlar-baekur
Eyþór heldur úti samfélagsmiðlum á Facebook og Instagram undir nafninu Old Icelandic books.
Allir viðburðir menningarveislunnar eru ókeypis og opnir öllum. Uppbyggingasjóður Suðurlands styrkir viðburðinn.
Veitingastaðurinn Hvönn verður opinn og býður m.a. upp á súpu dagsins og brauð á tilboði.
Á skalholt.is má lesa um fleiri viðburði í tengslum við menningarveisluna í maí.
You may also like the following events from Skálholt:
- Next Saturday, 17th May, 03:00 pm, Skörungurinn í Skálholti: Valgerður Jónsdóttir biskupsfrú (1771–1856) in Selfoss
- This month, 24th May, 03:00 pm, Under the Surface of Skálholt with Gavin Lucas in Selfoss
- This month, 31st May, 03:00 pm, Eggjakökupönnur, saffran og ruslakeppir. Nanna Rögnvaldar skoðar marghliða íslenska matarsögu. in Selfoss
