Töfraverkstæðið ✨
Listasafn Íslands býður upp á skapandi og skemmtileg sumarnámskeið fyrir 7 – 9 ára börn (fædd 2016 – 2018) í nýja listaverkstæðinu í safninu við Fríkirkjuveg 7. Unnið verður út frá sýningum safnsins þar sem listaverkin verða rannsökuð og áhersla lögð á að þjálfa lita- og formskynjun þáttakenda, sem fá svo tækifæri til að nota ólíkan efnivið og vinna í margskonar miðla, eins og málun og skúlptúr.
Markmið námskeiðsins er að fá börn til að nálgast bæði náttúru og myndlist af meira öryggi og forvitni, þar sem kennsla fer fram bæði gegnum upplifun, samræðu og vinnu í höndunum. Í lok námskeiðs verður haldin sýning fyrir vini og fjölskyldu þar sem afrakstur námskeiðsins verður til sýnis.
Gert er ráð fyrir því að börn komi með létt nesti meðferðis, séu klædd eftir veðri og klæðist fatnaði sem hentar fyrir málningarvinnu, sull og gleði!
Kennarar: Helena Reynisdóttir, myndlistarmaður og Ingibjörg Hannesdóttir, sérfræðingur í fræðsludeild Listasafns Íslands.
Takmörkuð pláss í boði, hámarksfjöldi 12 nemendur á hvert námskeið. Gott aðgengi fyrir öll.
ℹ️ Nánari upplýsingar:
bWVubnQgfCBsaXN0YXNhZm4gISBpcw==
---
Dagsetningar og tími:
🎨 10. – 13. júní kl. 9 – 12 (28.000 kr. 4 dagar)
🎨 16. – 20. júní kl. 9 – 12 (28.000 kr. 4 dagar)
🎨 23. – 27. júní kl. 9 – 12 (35.000 kr. 5 dagar)
🎨 05. – 08. ágúst kl. 9 – 12 (28.000 4 dagar)
🎨 11. – 15. ágúst kl. 9 – 12 (35.000 5 dagar)
20% systkinaafsláttur 💫
ATH. Tekið er á móti börnum frá kl. 8:30, en námskeiðið hefst kl. 9. Hægt er að sækja börnin til kl. 12:30 en námskeiðinu lýkur kl. 12.
Skráning hér ⬇️
https://www.abler.io/shop/frirvk/listasafn/product/Q2x1YlNlcnZpY2U6Mzg3NTE=
You may also like the following events from Listasafn Íslands:
