Sönghópurinn Spectrum - áheyrnarprufur

Sönghópurinn Spectrum getur bætt við sig söngvurum í allar raddir. Áheyrnarprufur verða haldnar 20. ágúst og 1. september kl. 18-20. Áhugasamir geta skráð sig með því að merkja við mætingu hér í viðburðinum eða með því að hafa samband við Ingveldi Ýr kórstjóra, aW5ndmVsZHVyIHwgZ21haWwgISBjb20= eða 898 0108.

Spectrum hefur getið sér orð sem óhefðbundinn gæðakór, sem kemur á óvart og nær að víkka út skilgreininguna á því hvað kór er og getur. Viðfangsefni Spectrum eru samtímatónlist og vandaðar útsetningar af dægur- og þjóðlögum en í Spectrum er fólk með mikla söngreynslu.

Spectrum hefur náð góðum árangri í kórakeppnum heima og erlendis og efnir til samstarfs við aðra kóra og tónlistarmenn. Spectrum hefur unnið með reyndum leiðbeinendum í faginu, nýlega til dæmis með þremur Grammy-verðlaunahöfum, þeim Michael McGlynn, stjórnanda Anúna, Paul Phoenix, fyrrum söngvara King’s Singers, og nú síðast undir stjórn Eric Whitacre á samnefndri hátíð í Eldborg í september 2023.

Spectrum æfir í Skeifunni 11 á þriðjudagskvöldum, kl. 18.30-21.30.

Also check out other Music events in Reykjavík, Entertainment events in Reykjavík.