Opnunarhátíð jóladagskrár með Allegro og Íslenska dansflokknum

Sunnudaginn 30. nóvember kl. 14 er opnunarhátíð jóladagskrár Þjóðminjasafnsins í barna- og fjölskyldurýminu sem nú er komið í jólabúning. Jóladagskráin hefst á jólatónleikum nemenda úr Allegro Suzukitónlistarskólanum og atriðum úr sýningunni Jóladraumar frá Íslenska dansflokknum.

Jóladagskrána í heild sinni má sjá hér: https://www.thjodminjasafn.is/frettir-og-greinar/joladagskra-thjodminjasafnsins

14:00 – Jólatónleikar Allegro Suzukitónlistarskólans
14:30 – Jóladraumar með Íslenska dansflokknum

Fiðlu- og píanónemar frá Allegro Suzukitónlistarskólanum spila jólalög fyrir gesti. Meðal annars má heyra klassísk jólalög; Bráðum koma blessuð jólin, Skreytum hús og Klukknahljóm. Einnig verða flutt klassísk verk, til að mynda La folia eftir Corelli og Fantaisie-impromtu eftir Chopin.

Ævintýrið Jóladraumar lifnar við með Íslenska dansflokknum. Jóladraumar er ævintýraleg aðventustund fyrir alla fjölskylduna þar sem dansarar Íslenska dansflokksins birtast sem stórkostlegir jólakarakterar í dansandi gleði. Á hátíðinni eru flutt brot úr verkinu og endað á skemmtilegu, litlu jólaballi þar sem gestir fá að dansa í kringum lifandi jólatré og fá stórskemmtilega danskennslu. Íslenski dansflokkurinn flytur dansverkið Jóladrauma í heild sinni í Borgarleikhúsinu á aðventunni.

Gestir geta einnig skrifað jólakveðju í notalegu umhverfi til ástvina á fallegt kort og póstlagt það í rauðan póstkassa á staðnum — pósturinn sér um að koma kveðjunni alla leið.

Komið og upplifið með okkur sannkallaða jóladrauma umvafin ljúfum jólatónum á Þjóðminjasafninu!

Enginn aðgangseyrir er á viðburðinn.

You may also like the following events from Þjóðminjasafn Íslands/ National Museum of Iceland:

• Next Friday, 5th December, 12:00 pm, Ferðalag til fortíðar - Ferðaþjónusta og fornleifar in Reykjavík