Málþing: Framtíð mannúðar - Grunngildi Rauða krossins í breyttum heimi

Rauði krossinn á Íslandi stendur fyrir málþingi í tilefni þess að 60 ár eru síðan grunngildi Rauða krossins voru formlega tekin upp til að setja í orð þau gildi sem Rauði krossinn hefur alltaf lagt áherslu á: Mannúð, óhlutdrægni, hlutleysi, sjálfstæði, sjálfboðna þjónustu, einingu og alheimshreyfingu.

Til máls taka ýmsir og ólíkir fulltrúar Rauða krossins á Íslandi, sérfræðingur Alþjóðaráðs Rauða krossins, framkvæmdastjóri UNICEF, ráðuneytisstjóri og skrifstofustjóri utanríkisráðuneytisins. Stjórnarmeðlimur Rauða krossins, Óttarr Proppé stýrir málþingi og pallborðsumræðum. Boðið verður upp á léttar veitingar á meðan og eftir að málþingi lýkur.

Umfjöllunarefni málþings eru grunngildin, mikilvægi þeirra í breyttum heimi og þær áskoranir sem við stöndum frammi fyrir.

Mikilvægt er að skrá komu sína fyrir viðburðinn en honum verður einnig streymt fyrir þau sem ekki komast á staðinn.

Skráning: https://www.raudikrossinn.is/um-okkur/namskeid-og-vidburdir/skraning-a-vidburd/?courseId=a12Pz000003tUtNIAU