Landslagsgreining og hönnun - smástundarsýning í Gestastofu Elliðaárstöðvar

🌲 Verið hjartanlega velkomin á smástundarsýningu nemenda í landslagsarkitektúr frá Landbúnaðarháskólanum🌲

💛Sýningin fer fram í Gestastofu Elliðaárstöðvar frá 1. júlí til 18. ágúst og er opið á virkum dögum frá 8:30 - 16:30

🌿Á sýningunni má sjá hugmyndir nemenda um hvernig Elliðaárdalurinn gæti þróast til framtíðar. Verkefnið er hluti af námskeiði í Landslagsgreiningu þar sem lögð er áhersla á að nemendur byggi hönnunarvinnu sína á vandaðri greiningu landslags og umhverfis.

🌎Hver og einn nemandi mótaði sína eigin framtíðarsýn fyrir dalinn og vann hönnunartillögu sem dregur fram sérkenni svæðisins, bregst við áskorunum og opnar fyrir möguleika í nýtingu, vernd og upplifun.

🐦Nemendur settu sér hönnunarþema, völdu stað innan dalsins og útfærðu hugmyndir sínar bæði í stórum og smáum mælikvarða – allt frá skipulagi stígakerfa til nánari hönnunar dvalarsvæða,
fuglaskoðunarpalla, upplifunarleiða og fleira.

🧠Með verkefninu er ætlunin að þjálfa framtíðarlandslagsarkitekta í að hugsa skapandi og röklega um samspil náttúru og mannlífs og að segja skýra og sannfærandi sögu með landslagi.

You may also like the following events from Elliðaárstöð:

• Next month, 14th August, 04:30 pm, DJ & dans í dalnum in Reykjavík