Komdu í Yoga, maður! Námskeið fyrir karlmenn með Stefáni Atla

Komdu í Yoga, maður! er grunnámsskeið í Yoga fyrir karlmenn á öllum aldri og öllu ásigkomulagi. Námskeiðið verður haldið frá 8. til 24. september og hentar bæði þeim sem hafa aldrei iðkað Yoga áður og þeim sem vilja rifja upp gamla takta.

Markmið námskeiðsins er að menn fái tækifæri til að byggja sig upp með heildrænni líkamsrækt, með fjölbreyttum tólum sem Yoga hefur uppá að bjóða og komi út liðugri, sterkari, rólegri og í meira jafnvægi.

Hittumst í sex skipti í þrjár vikur, mánudaga og miðvikudaga kl. 20:00-21:30, lærum og iðkum undirstöðurnar í Yoga. Á æfingunum munum við liðka líkamann til, sem í kjölfarið gerir okkur auðveldara fyrir að styrkja líkamann.

Æfingarnar verða iðkaðar í takti við andardráttinn gerir okkur kleift að fara út fyrir þægindarrammann og kanna þolmörk líkamans hvað varðar liðleika, styrk og jafnvægi. Á þeim stað eigum við kost á að vaxa og ná framförum og við munum komast þangað. Í lok hverrar æfingar verður leitt inn í djúpslökun sem framkallar kyrrð og ró í líkama og mun virka eins og endurnærandi veganesti inn í næsta dag og lengra inn í framtíðina.

Nánari upplýsingar: yogashala.is/komdu-i-yoga-madur

You may also like the following events from Yoga Shala Reykjavík:

• Next Tuesday, 9th September, 08:00 pm, Yoga Flæði með Katrínu - námskeið fyrir byrjendur og þá sem vilja betri grunn í yoga in Reykjavík
• This month, 26th September, 05:00 pm, Journey Through the Chakras - 50 hour course with Klara in Reykjavík

Also check out other Health & Wellness events in Reykjavík.