Feðgar & Mæðgur

Tónlistarhópurinn Feðgar og mæðgur samanstendur annars vegar af feðgunum Sigurjóni Alexanderssyni, gítarleikara og Bjarti Sigurjónssyni, söngvara og hins vegar mæðgunum og söngkonunum Ásu Óðinsdóttur og Emmu Eyþórsdóttur.

Það var leikfélag Mosfellssveitar sem leiddi hópinn saman í upphafi en þar hafa þau öll verið með annan fótinn um árabil. En það var sameiginlegur rythmiskur bakgrunnur og ást þeirra á jazz sem gerði útslagið og hugmynd að samvinnu kviknaði.

Síðastliðið haust létu þau svo verða af því að sameina raddir og tóna í ljúfum haust tónleikum sem haldnir voru í Árbæjarkirkju. Þar buðu þau upp á sígildar jazz- og dægurlagaperlur á íslensku. Það heppnaðist svo vel að þau ákváðu að endurtaka leikinn, nú í Hannesarholti.

Tónseðillinn sem þau bjóða uppá á þessu september kvöldi verður heldur líflegri og fjölbreyttari en þar mun verða hægt að hlýða á íslenskar perlur í yngri kantinum, settar í nýjan búning gítarleiks og radda og hvergi langt í jazz áhrifin. Í bland munu svo slæðast með eitt og eitt frumsamið frá hverju og einu þeirra.

You may also like the following events from Hannesarholt:

• This Thursday, 4th September, 08:00 pm, Herdís Linnet & Elis Hakola flytja íslenska og finnska tónlist fyrir selló og píanó in Reykjavík
• This Saturday, 6th September, 11:00 am, Strengjafjölskyldan: Fjölskyldutónleikar Caudu Collective in Reykjavík
• This month, 19th September, 08:15 pm, FLXS Cauda Collective in Reykjavík

Also check out other Music events in Reykjavík, Entertainment events in Reykjavík.