Betri yfirsýn – bættur rekstur

Mánudaginn 26. maí standa SAF og KPMG fyrir fundi um áætlanagerð í rekstri ferðaþjónustufyrirtækja.

Á fundinum verður farið yfir hvernig fyrirtæki geta náð betri árangri í rekstri með því að setja sér markmið, gera áætlanir sem byggðar eru á ígrunduðum forsendum og öðlast betri yfirsýn yfir stöðu rekstrarins með þeim gögnum sem til staðar eru.

Þá verður vörukynning á Advise sem er hugbúnaðarlausn á sviði viðskiptagreindar sem veitir litlum og meðalstórum fyrirtækjum rauntímaupplýsingar um rekstur og hjálpar til við ákvarðanatöku.

Fundurinn fer fram í Húsi atvinnulífsins, Borgartúni 35, og stendur á milli kl. 11 og 12. Þá verður hægt að fylgjast með fundinum í þráðbeinni útsendingu í Netheimum.

Dagskrá:

Hvert viltu stefna? – Áætlanir og markmiðasetning
Guðmundur Hermannsson, ráðgjafi hjá KPMG

Skýr innsýn leiðir til betri ákvarðana
Mikael Arnarson, framkvæmdastjóri Advise

Lifandi áætlun í breytilegu umhverfi
Birgir Ólafsson, framkvæmdastjóri rekstrarsviðs Blue Car Rental