Aðtventustund Skátakórsins

Skátakórinn býður til aðventustundar þriðjudaginn 9. desember kl. 18:00 í skátaheimili Mosverja að Álafossvegi 18 í Mosfellsbæ.
Kórinn mun flytja jólalög í bland við annað efni sem unnið er að nú í vetur. „Þjóðlagatríóið” mun stíga á stokk og flytja nokkur lög að hætti Savannatríósins og Ríó Tríó. Tríóið er skipað þeim Örvari og Ævari Aðalsteinssonum og Guðmundi Pálssyni.

Boðið verður upp á næringu fyrir líkama og sál, tónlist, notalega samveru og svo auðvitað hið rómaða pylsugrill Skátakórsins sem engan svíkur. Tilvalið að bjóða með svöngum börnum og barnabörnum og afgreiða kvöldmatinn í leiðinni.

Miðaverð er kr. 2.500 fyrir fullorðna en frítt fyrir börn 16 ára og yngri og kvöldmaturinn er innifalinn.

Hlökkum til að sjá ykkur!

P.s. bendum á bílastæðin við handverkstæðið Ásgarður.