Skráning:
https://www.arionbanki.is/konur/vidburdir/29.-oktober-2025-ad-fjarfesta-i-fasteign/
Ert þú að velta fyrir þér stöðunni á einni stærstu fjárfestingu heimilisins og mögulega að huga að endurfjármögnun, nú eða að huga að fasteignakaupum?
Hittu okkur í Húsi máls og menningar í Reykjavík til að ræða þetta nánar.
Dagskrá:
Þórunn Helgadóttir, viðskiptastjóri á Fyrirtækja-og fjárfestingabankasviði fjallar um húsnæðismarkaðinn, þróun síðastliðinna ára, stöðuna í dag og hvers gæti verið að vænta.
Jarþrúður Birgisdóttir, sérfræðingur á viðskiptabankasviði, fer því næst í saumana á öllu sem viðkemur fjármögnun fasteignakaupa bæði með íbúðarláni og nýtingu viðbótarlífeyrissparnaðar, breytilega og fasta vexti, verðtryggð og óverðtryggð lán og muninn á jöfnum greiðslum og jöfnum afborgunum.
Hrefna Kristín Jónsdóttir, framkvæmdastjóri þjónustu hjá Verði, fer yfir tryggingar einstaklinga.
Kristbjörg M. Kristinsdóttir, fjármálastjóri Stefnis fer yfir þróun á nýjum lausnum á fasteignamarkaði og hvað kaupendum stendur til boða í sameignarfyrirkomulagi eins og nýlega kynntur REIR20 sjóður í rekstri Stefnis býður upp á.
Erindin standa yfir í um klukkustund og rými er gefið fyrir spjall og spurningar í kjölfarið.
Öll velkomin! 💙
You may also like the following events from Arion banki:
