Ásta Fanney: Gjörn­ingur í Ásmund­arsafni

Ásta Fanney Sigurðardóttir er með verk í vinnslu í Ásmundarsafni um þessar mundir og verður með gjörning sunnudaginn 25. maí kl. 14.00. Í Ásmundarsafni stendur nú yfir sýningin Undraland Ásmundar Sveinssonar. Yfir allt árið 2025 er listamönnum boðin aðstaða í húsinu til þess að vinna að eigin verkum í vinnslu eða hvers konar ferli.

Ásta Fanney hefur nýtt tímann í Undralandi til þess að henda reiður á því sem hún hefur unnið að á síðustu árum.

Í verkum Ástu Fanneyjar er sterk tilfinning fyrir flæði, breytingum og hverfulleika. Hún hefur ekki bundist ákveðnum miðli en komið við á flestum þeim vígstöðvum sem kalla mætti tímatengdar.

Sem gjörningalistamaður hefur hún komið fram við ýmis tækifæri og látið reyna á samskipti við áhorfendur. Tungumálið er mikilvægur þáttur í verkum hennar, möguleikar þess og takmarkanir og spurningar vakna um hvað taki við þegar því sleppir.

You may also like the following events from LISTASAFN REYKJAVIKUR REYKJAVIK ART MUSEUM:

• This Thursday, 29th May, 05:00 pm, Sýningaropnun | D51: Sadie Cook & Jo Pawlowska / Exhibition opening | D51: Sadie Cook & Jo Pawlowska in Reykjavík
• Next Sunday, 8th June, 02:00 pm, Lokaviðburður Ástu Fanneyjar í Ásmundarsafni | Ásta Fanney Finnissage in Reykjavík
• Next month, 10th June, 09:00 am, VIÐEY FRIÐEY - spennandi sumarnámskeið fyrir 8 og 9 ára börn in Reykjavík