Jólatónleikar með Margréti Eir

Stórsöngkonan Margrét Eir hefur í rúma þrjá áratugi heillað landsmenn með sinni kraftmiklu rödd, ótrúlegu hæfileikum og óneitanlegum sjarma en hún hefur fyrir löngu skipað sér sess sem ein okkar færasta og ástsælasta söngkona. Rödd Margrétar er ekki síst orðin ómissandi hluti af jólatónaflóðinu með öllu frá árlegum jólatónleikum í Fríkirkjunni í Hafnarfirði að hinum stórkostlegu og ógleymanlegu Frostrósartónleikum.

Þetta árið gefur Margrét ekkert eftir og reiðir fram töfrandi og hátíðlega stund á aðventunni með glæsilegum jólatónleikum ásamt hljómsveit og góðum gestum. Ekki missa af þessu tækifæri til að hverfa frá hversdagsamstri og jólaundirbúningi með því að njóta dásamlegrar kvöldstundar í Salnum. Áheyrendur mega eiga von á sannkallaðri tónleikaveislu með blöndu af sígildum gömlum og nýjum lögum í bland sem leiða okkur brosandi inn í anda jólanna.

Hljóðfæraleikarar
Börkur Hrafn Birgisson
Þorgrímur Jónsson
Daði Birgisson
Óskar Þormarsson

Raddir
Gunnur Arndís Halldórsdóttir
Helga Margrét Clarke

You may also like the following events from Salurinn Tónlistarhús:

• Next Wednesday, 3rd September, 08:00 pm, Lúllabæ - Sigga Eyrún útgáfutónleikar in Kopavogur
• Next Thursday, 4th September, 08:00 pm, Carpenters NOSTALGÍA in Kopavogur
• Next Friday, 5th September, 08:30 pm, Belonging? in Kopavogur